Blog de Diego Pena Luaces

A Muralla de Lugo abandonada pola Xunta

2012-01-30T16:12:00.002+01:00

Foi o 30 de novembro do 2000 cando tivo lugar un dos momentos máis importantes da historia moderna de Lugo: a concesión pola UNESCO do título de Patrimonio Mundial á Muralla Romana de Lugo. Esta distinción marcou un antes e un despois na forma de pensar dos lucenses, na autoestima e o orgullo dunha sociedade que avanzaba cara o século XXI. Pero desgraciadamente na actualidade temos que ver como a Xunta de Galicia está a desprezar o valor do monumento e o significado que ten para tódolos lucenses e as persoas que nos visitan.

Como podemos ver nesta fotografía a Xunta de Galicia ten abandonada a Muralla de Lugo, o monumento máis representativo da nosa cidade e que é Patrimonio da Humanidade. A titularidade deste monumento é da Xunta, a través da Consellería de Cultura, que é a administración responsable do seu mantemento e conservación.

O estado no que se atopa a Muralla é pésimo, porque a Xunta non realizou un mantemento das luminarias e a limpeza do adarve. Deste xeito estase a cubrir de herba e non conta cunha boa iluminación para poder pasear polo adarve cando anoitece. A imaxe que estamos a ver os lucenses e os turistas que nos visitan é de abandono e de falta de sensibilidade ante un monumento tan significativo.

É lamentable que a Xunta teña tan descoidada a Muralla. Por iso o Concello de Lugo e os lucenses xa levamos moito tempo reclamándolle á Consellería de Cultura que asuma as súas responsabilidades e que proceda o antes posible a realizar as labores de limpeza e mantemento, para que a Muralla de Lugo volva a lucir todo o seu esplendor.

Almorzos Saudables

2012-01-14T10:53:00.003+01:00

O Concelleiro de Servizos Xerais e Modernización Administrativa, Francisco Fraga, presentou a novena edición da campaña Almorzos Saudables. Trátase dunha iniciativa do Concello de Lugo para fomentar que os máis pequenos almorcen dun xeito saudable, que este ano se achegará a 2.000 nenos e nenas lucenses de entre seis e oito anos de 23 centros escolares públicos, privados e concertados.

Na campaña dos Almorzos Saudables tamén colabora a Asociación Galega de Nutricionistas e Dietistas a través de información para presentarlles aos nenos e nenas a pirámide nutricional, os tipos de alimentos e para que aprendan desde novos a comer equilibradamente.

Os obxectivos desta campaña, que dará comezo o vindeiro luns día 16 de xaneiro, son conseguir que os rapaces almorcen e ademais que o fagan do xeito máis saudable, é dicir, cun produto lácteo, que será fresco do día e que aportará a Gandería Quintián, froita, iogures e zumes de Eroski Center, e cereais ou pan de Ingapan. Como novidade este ano introdúcese o mel natural que aportan a Asociación Provincial Lucense de Apicultores.

Polo tanto, esta campaña do Concello de Lugo tenta complementar as ensinanzas sobre alimentación saudable que imparten os profesores durante todo o ano.

Nas enquisas que se fixeron dende o Concello de Lugo apreciouse unha redución notable do consumo de produtos con alto índice de contido graso. Dende a Concellería de Servizos Xerais e Modernización Administrativa, destacouse que nestes anos puido verse unha evolución positiva nos hábitos alimentarios dos máis pequenos. Así, e tendo en conta os datos recollidos no ano 2004 aos nenos e nenas sobre as súas costumes no almorzo, pode facerse un bo balance. No ano 2010, un 1,4% dos nenos enquisados non almorzaban nada fronte ao 4,59% dos nenos non o facían no 2004. Outro dato salientable é a redución en 3,6 puntos no consumo de produtos de bollería, pasando de un 15,8% en 2004 a un 12,2% en 2010.

4 anos e 190 posts publicados

2012-01-07T11:32:00.000+01:00

Hoxe fai catro anos que comecei a escribir no meu blog e este é xa o post número 190 que escribo neste espazo persoal, no que comparto con vós as miñas vivencias e as miñas opinións sobre distintos temas. Pretendendo que este blog sexa unha fiestra aberta ao mundo, coa que poder compartir as miñas opinións sobre distintos temas e escoitar a opinión dos lectores.

Quero celebrar que xa levo 4 anos con este blog e escritos 190 comentarios, escribindo e publicando este post. E quero comezar cunhas verbas de felicitación para todos e todas, desexándovos un próspero ano 2012. Un ano que nos traerá moitos máis acontecementos.

No 2012 celebramos o Ano Europeo do Envellecemento Activo e da Solieradiedade Interxeracional. O 2012 tamén foi declarado pola ONU como o Ano Internacional da Enerxía Sostible para Todos e o Ano Internacional das Cooperativas.

Ademais nestes momentos difíciles que estamos a vivir seguirei defendendo, aínda con máis intensidade, o Estado do Benestar e seguirei opoñéndome a calquera tipo de recortes en dereitos adquiridos pola cidadanía e que tanto nos constaron conseguir a todos e todas, como son os dereitos en educación, sanidade e servizos sociais.

Cando fai uns días que comezou o ano 2012, sigo escribindo neste blog dende fai catro anos con todas as forzas e a ilusión, como o primeiro día que o comecei. Dende aquel día moitos acontecementos pasaron, algúns dos cales fun compartindo con vós neste espazo.

De seguro que neste novo ano que comezou fai uns días nos esperan moitos acontecementos que vivir. O 2012 acaba só de comezar e quédame moito máis para compartir con vós no meu blog.

P.D.: Quero expresar as miñas condolencias polo falecemento este xoves do intelectual galeguista Isaac Díaz Pardo, un piar esencial da nosa cultura, que nos deixa un importantísimo legado, porque desenvolveu un inxente labor como deseñador, pintor, ceramista, editor e empresario, polo que sempre o recordaremos.

Boas Festas e Feliz 2012

2011-12-23T16:28:00.000+01:00

Para ampliar a postal hai que premer na imaxe.

Con esta postal quero desexarvos a todos e todas unhas Boas Festas e un Feliz 2012, agardando que o novo ana traia moita felicidade e prosperidade. A imaxe da postal é da Muralla de Lugo con neve na zona da Mosqueira.

Un ano máis dende o meu blog escribo para compartir con vos as miñas opinións sobre distintos temas e escoitar a vosa opinión como lectores. E agardo que no 2012 sigades visitando e participando neste blog.

Eu volverei a estar con vos no meu blog con todas as forzas e a ilusión no ano novo despois destas festas. Ata entón pasádeo moi ben e que sexades moi felices!

O teléfono 010 do Concello de Lugo

2011-12-12T20:03:00.005+01:00

Os datos demostran o bo funcionamento do Servizo de Información Municipal 010 do Concello de Lugo. O Concelleiro de Servizos Xerais e Modernización Administrativa, Francisco Fraga, informou que o teléfono 010 nos anos que leva funcionando xa atendeu 458.407 chamadas. Este servizo de información funciona dende marzo do 2005 e presta atención telefónica para achegar a administración aos cidadáns, na actualidade consta de unha plantilla de 5 teleoperadoras.

Diariamente o 010 atende a unhas 410 chamadas aproximadamente, aínda que os meses de maior volume de chamadas son o meses de xuño e outubro con motivo da celebración do Arde Lucus e do San Froilán chegando as 620 chamadas diarias. Cabe destacar que o tramo horario cun maior volume de chamadas é o comprendido entre ás 10:00 da mañá e a 13:30 do mediodía, supoñendo un 75% do volume de chamadas diarias.

Chamando ao Servizo de Información Municipal 010 do Concello de Lugo podedes obter información sobre servizos municipais, actividades, actos e programación das diversas concellerías, e sobre os eventos que teñan lugar na nosa cidade. Poderás, así mesmo, dispor da información actualizada sobre como realizar os trámites que precises no Concello. O Servizo 010 recibe tamén os avisos de avaría e suxestións.

Calquera persoa pode chamar, simplemente marcando o número 010 no termo municipal de Lugo, tanto dende teléfonos fixos como dende móbiles de calquera operador. Para chamadas de fóra do municipio, o número ao que hai que chamar será 982 297 350. Tamén pode enviar un enviar un correo electrónico ó enderezo: 010@concellodelugo.org.

O horario de servizo é de 8:30 da mañá a 20:30 da noite en días laborables, e os sábados de 9:00 a 14:00 horas. Fóra deste horario de atención do Servizo 010 está en funcionamento un buzón de voz conectado cos servizos de emerxencia e tamén se poden deixar consultas, que serán atendidas en horario laborable.

Así mesmo, merece unha mención especial o Servizo de Mensaxería "Todo o Concello no teu móbil" que realiza o Concello de Lugo dende fai cinco anos ofrecendo información municipal a través de mensaxes de texto nos teléfonos móbiles dos cidadáns; na actualidade conta con 1.850 persoas inscritas.

O Concello de Lugo quíxose sumar ao aforro polos difíciles momentos que estamos a vivir, implantando unha nova canle para recibir esta mesma información, fomentando o emprego do correo electrónico, xa que é un servizo gratuíto, tendo moi boa aceptación por parte dos antigos usuarios, contando na actualidade con 2.870 persoas inscritas, o que supuxo unha importante redución nos custes deste servizo.

Ademais dende maio o 010 é máis accesible a través dun servizo para que as persoas xordas poidan realizar as súas consultas coa administración, sendo estas tramitadas coa maior celeridade posible. As consultas poden realizarse a través de distintos medios dispoñibles no Buzón de consultas para persoas xordas.

Así pois, dende o meu blog anímovos a utilizar o Servizo de Información Municipal 010 a través dalgún destes medios cos que o Concello de Lugo nos ofrece este interesante servizo a toda a cidadanía.

Servizo de Información Municipal: 010 ou 982 297 350 para chamadas desde fóra do municipio de Lugo.

25 de novembro

2011-11-25T16:52:00.001+01:00

Hoxe, 25 de novembro, é o Día Internacional para a eliminación da violencia de xénero. Con tal motivo a Policía Nacional fai un chamamento nunha campaña co lema "Denúncialo", como se pode ver neste vídeo. Os máis de 72.000 axentes que integran a Policía Nacional española están ao servzio de todas as mulleres para loitar contra o acoso, os abusos, as agresións ou os insultos basados na desigualdade e relacións de poder.

Desde o convencemento de que hoxe máis que nunca é necesaria a complicidade de todos os homes e mulleres para loitar contra esta violencia. As mulleres maltratadas e os seus fillos e fillas teñen que sentir que teñen todo o noso apoio e que toda a sociedade está loitando para que os malos tratos e os asasinatos rematen, para que os covardes dos seus maltratadores deixen vivir a estas mulleres.

Pero esta tarefa non pode realizarse nun só día, senón que nos 365 días do ano temos que estar xunto a elas, porque nos necesitan e porque non consentimos que sexan maltratadas baixo ningún concepto e menos por ser mulleres. Porque co esforzo e compromiso de todos e todas conseguiremos erradicar a violencia de xénero.

E ademais disto temos que seguir traballando para conseguir a igualdade efectiva entre as mulleres e os homes en tódolos ámbitos. Porque tódalas persoas teñen dereito a unha vida digna, sen malos tratos e a unha igualdade de oportunidades. Para que isto sexa unha realidade hai que seguir traballando xuntos neste camiño da Igualdade, algo ao que sen dúbida entre todos e todas chegaremos.

Teléfono de atención ás mulleres maltratadas: 016
Policía Nacional: 091

Xornada do Proxecto PARNET-tic

2011-11-22T19:44:00.002+01:00

A Concellería de Servizos Xerais e Modernización Administrativa do Concello de Lugo, que dirixe Francisco Fraga, informou de que o próximo xoves 24 de novembro vaise celebrar un seminario baixo o nome de Rede de Participación cidadá en territorios rurais, organizada polo proxecto PARNET-tic e en colaboración coa Deputación de Lugo.

O proxecto PARNET-tic, que conta co apoio financeiro do programa SUDOE (FEDER), é un proxecto no que están a participar a Deputación e o Concello de Lugo, cuxo obxectivo principal é mellorar a prestación de servizos locais e a participación cidadá.

Esta xornada, organizada polos socios do proxecto, ten como finalidade fundamental concienciar sobre a importancia do acceso, sen exclusións, á Sociedade da Información, así como ofrecer información e resolver dúbidas sobre as solucións software e ferramentas TIC a implementar polo proxecto. Trátase dun evento de carácter internacional e multisede no que, en colaboración cos socios do Proxecto PARNET-tic, se levarán a cabo actividades interconectadas cos demais socios: a Cámara Municipal de Águeda, en Portugal, e as Deputacións de A Coruña, Huesca e Almería.

Estas xornadas permitirán coñecer, da man de expertos nacionais, as vantaxes que ofrece ao cidadán a implantación e uso extensivo das ferramentas de administración electrónica.

En Lugo a xornada organizada polo Concello de Lugo terá lugar o 24 de novembro a partir das 10:00 horas no Centro de Innovación Social, situado na rúa Frei Plácido Rei Lemos, 2º andar, s/n, Lugo.

Este día achegaranse a Lugo os mellores especialistas na materia, para tratar temas como o impacto das redes sociais no medio rural, ou as oportunidades innovadoras para a creación de emprego nas zonas rurais.

A xornada será retransmitida nas redes sociais a través das contas de Europe Direct Lugo en facebook e twitter: http://www.facebook.com/europedirect.lugo e http://twitter.com/eudirectlugo.

Para inscribirse nesta xornada hai que chamar ao teléfono de atención cidadá 010 do Concello de Lugo ou ben ao 982 297 350 para chamadas que se fagan desde fóra do municipio lucense. Tamén se pode realizar a inscrición a través da páxina web www.lugo.es ou www.deputacionlugo.org.

Podes descargar o programa das xornadas.

Loita polo que queres

2011-11-18T19:48:00.001+01:00

Loita pola Educación.

Loita pola Sanidade.

Loita polo Emprego.

Loita polas Pensións.

Loita pola Igualdade.

Loita polas Infraestruturas.

Loita polos Dereitos.

Loita polo teu Futuro.

LOITA POLO QUE QUERES.

VOTA PSOE.

Propostas para ganar o futuro

2011-11-10T16:08:00.000+01:00

O PSOE presentou un programa electoral para as eleccións do 20 de novembro, que recolle multitude de medidas para recuperar a economía e recuperar a política. Estas propostas articúlanse ao redor de catro eixos: a modernización económica, a creación de emprego, a mellora da igualdade e a profundización da democracia.

As 12 principais propostas deste programa electoral para ganar o futuro son as seguintes:

1. Promoveremos un gran acuerdo por el empleo junto al resto de administraciones, empresas y trabajadores. Aprobaremos un Plan de Empleo Juvenil e impulsaremos programas específicos de empleo en sectores tradicionales y emergentes. Asimismo, pondremos en marcha programas de integración laboral de personas desempleadas mayores de 55 años.
2. Estableceremos un nuevo impuesto sobre las grandes fortunas que sustituirá en 2012 al renovado Impuesto de Patrimonio y otro para las entidades financieras cuya recaudación se destinará a la creación de empleo. Revisaremos la fiscalidad de las SICAV.
3. Crearemos una Oficina contra el Fraude para combatir el fraude fiscal y la prevención y represión del blanqueo de capitales.
4. Aprobaremos una ley de insolvencia personal que refuerce los derechos financieros de los ciudadanos, y obligue a que las entidades financieras ofrezcan hipotecas en los que la garantía se limite al bien hipotecado, la dación en pago.
5. Desde 2013 a 2028 cerraremos el parque nuclear español cubriendo gradualmente su hueco de generación por fuentes de energía renovables. Aprobaremos una Ley del Cambio Climático.
6. Impulsaremos una Ley de Fomento Empresarial que facilite la creación de nuevas empresas y su consolidación, mejore la financiación a los emprendedores, reduzca cargas administrativas y apoye a las PYMES en su internacionalización.
7. Extenderemos el acceso a la educación de 0 a 3 años. Implantaremos un MIR educativo para tener los mejores profesores que garanticen la excelencia en la educación pública.
8. Aprobaremos la nueva Agenda España 2.0 de fomento de la sociedad de la información, garantizando el acceso de todos los españoles a Internet. Revisaremos el modelo de canon digital.
9. Reduciremos la brecha salarial entre hombres y mujeres, y obligaremos a que en un plazo de ocho años, las empresas cuenten con al menos un 40% de mujeres en sus consejos de administración.
10. Garantizaremos un sistema sanitario público, gratuito y universal. Rechazamos el copago sanitario que quiere la derecha.
11. Aprobaremos una Ley de Transparencia y Acceso a la Información Pública. Garantizaremos la austeridad en las Administraciones Públicas. Propondremos la aplicación de listas electorales desbloqueadas.
12. Impulsaremos el gobierno económico europeo, la aprobación de un impuesto sobre las transacciones financieras internacionales y la creación de los eurobonos.

Estas son propostas para ganar o futuro. Loita polo que queres. Vota PSOE.

Un gran compromiso con Lugo

2011-11-07T16:24:00.002+01:00

Importantes infraestruturas para Lugo, como a Nova Ponte sobre o Río Miño, son unha realidade froito do compromiso do Ministro de Fomento, Pepe Blanco. Un home que fixo posible que Galicia e Lugo conten no mapa das infraestruturas, xa que dende o ano 2009 o Ministerio de Fomento invertiu 3.500 millóns de euros en insfraestruturas para Galicia. Mentres que o Goberno do PP non atendeu as necesidades das infraestruturas que precisamos, o Goberno socialista tivo unha sensibilidade e adquiriu uns compromisos con Lugo, que se están a materializar coa realización de proxectos necesarios para o avance de Lugo.

Deste xeito o Ministro puxo en servizo o desdobramento da N-VI no tramo Nadela-Tolda de Castela, na circunvalación de Lugo. O investimento alcanzou os 28,8 millóns de euros e conseguiu mellorar os accesos e as comunicacións da cidade de Lugo. O trazado de 4,5 km. contemplou a construción de varias rotondas e na súa construción observáronse unha serie de medidas correctoras ambientais e arqueolóxicas, recollidas na Declaración de Impacto Ambiental. Ademais o Ministerio de Fomento realizou a remodelación da Avenida de Madrid.

Tamén o Ministerio de Fomento fixo realidade a nova ponte sobre o río Miño cun orzamento de 21,5 millóns de euros. Ademais da ponte, construironse os viarios necesarios para conectar a circunvalación da N-VI coas estradas do sur de Lugo, coa estrada de Portomarín e coa antiga estrada de Santiago. Co acordo co Concello lucense sobre o acceso á ponte desde a glorieta que conecta coa N-VI, facilitaranse os accesos da capital á futura autovía de Lugo a Santiago.

Ademais están en construción outras infraestruturas que beneficiarán moito a Lugo, como as autovías Lugo-Santiago e Lugo-Ourense. E están en marcha os traballos para arranxar todos os espazos verdes das estradas do Ministerio de Fomento nas entradas da cidade. Tamén está en marcha o proxecto para a implantación dunha estación intermodal na cidade de Lugo. Na nova estación intermodal, que se situará na ubicación da actual estación de RENFE, integrarase a estación ferroviaria de alta velocidade cos demáis sistemas de transporte urbán e interurbán para facilitarlles aos usuarios o intercambio entre o ferrocarril e outros medios de transporte.

Pepe Blanco aposta por Lugo como o núcleo que articulará os movementos de mercadorías e viaxeiros entre o norte de Portugal e Francia a través das súas autovías. Por iso cos socialistas remataranse as autovías en construción, a do Cantábrico o ano que ven, e a Lugo - Santiago na próxima Lexislatura e impulsaránse os proxectos e comezaranse as obras das autovías San Cibrao - Barreiros e Ponferrada - Monforte - Ourense.

Cando o Partido Popular deixou o goberno no 2004, non se fixera nin un só km da Autovía A-8 do Cantábrico. Hoxe, temos construído xa o 80% do seu trazado. Co goberno socialista, iniciáronse as obras de catro treitos da autovía A-54 de Lugo a Santiago. Desbloqueouse a tramitación do tramo Palas - Arzúa e licitáronse os seus proxectos.

Pepe Blanco sabe que o tren é o transporte de viaxeiros do futuro. Por iso na vindeira lexislatura contrataranse as obras da estación intermodal de Lugo, culminarase a adaptación á alta velocidade do trazado ferroviario entre Lugo e Ourense e continuaranse as súas obras no resto dos tramos. Recortaranse en tres horas o tempo de viaxe entre Lugo e Madrid, incorporando un tren híbrido para facer o percorrido.

Ningún goberno destinara tantos cartos para a restauración do patrimonio galego a través dos fondos do 1% cultural. Grazas a isto descubriuse un conxunto excepcional de pintura barroca na Catedral de Lugo. San Martiño de Mondoñedo en Foz e o Complexo Álvaro Cunqueiro en Mondoñedo tamén se beneficiaron do 1% e estase a impulsar actuacións en Samos, Palas de Rei, O Saviñao e Pol. Investíronse 2 millóns de euros na posta en valor do Camiño de Santiago.

Aínda que a algúns dirixentes do Partido Popular lles moleste, a realidade indica que este avance de Lugo non sería posible sen o traballo do Ministro de Fomento. Deste xeito a nova Ponte e todas estas importantes infraestruturas para Lugo son unha realidade grazas ao socialista Pepe Blanco, que é o Ministro que máis fixo por Galicia e por Lugo. Eu estaba seguro de non nos fallarían aos lucenses e os acontecementos demostran que non me equivocaba, porque para Pepe Blanco o compromiso é Lugo.

Por todo o que está feito e porque aínda quedan cousas por facer, así que podemos e debemos seguir nesta dirección que nos fai avanzar cara diante. Para que Lugo siga mellorando, os socialistas lucenses pedimos a confianza neste proxecto imparable, no que contamos e participamos todos e todas e do que nos sentimos orgullosos como lucenses.

Para Pepe Blanco o compromiso é Lugo, Lugo Lugo e máis Lugo. Loita polo que queres. Vota PSOE.

Ojalá

2011-11-03T16:32:00.001+01:00

Ojalá é a Plataforma cidadá de apoio a Rubalcaba. Dende o meu blog anímote a que te sumes a esta Platarforma cidadá. O seu manifesto expresa ideas como as seguintes:

Ante las elecciones generales, los hombres, las mujeres y los colectivos que firmamos esta Declaración manifestamos nuestra convicción de que España necesita un gobierno progresista para hacer frente a la crisis económica.

Nos encontramos ante un cambio global, ante el inicio de una nueva era histórica y asistimos al nacimiento de una sociedad muy distinta a la que hemos conocido.

Estamos en una encrucijada. El rostro que finalmente adopte ese nuevo modelo de sociedad depende en gran medida de las decisiones políticas que ahora se tomen. Y depende, en España, de a quién elijamos los ciudadanos para gobernar en los próximos años.

El primer desafío de la sociedad española es crear empleo. Y hacerlo defendiendo el Estado social que ha sido, junto con la democracia política, la conquista más valiosa de los españoles en las últimas décadas.

Durante estos años de crisis, debido especialmente a circunstancias globales y europeas, no han podido ponerse en práctica aspectos importantes del programa socialista, lo que ha creado un lógico malestar social, que compartimos.

Pero ahora la respuesta de los progresistas no puede ser entregar el poder al Partido Popular, que allí donde lo tiene ha demostrado hacer políticas beligerantes contra aquello en lo que nosotros creemos. Frenar ese poder de la derecha es lo único coherente que podemos hacer los progresistas en estas elecciones.

Alfredo Pérez Rubalcaba es a la vez el líder progresista más fiable y más capacitado para dirigir el país en los próximos cuatro años, que serán especialmente difíciles y cruciales para el futuro.

Desde la independencia, con espíritu crítico y con plena conciencia de lo que está en juego el 20 de noviembre, hemos decidido confiar en Rubalcaba; y animamos a nuestros conciudadanos y conciudadanas a que hagan lo mismo y se sumen al proyecto que él encabeza y defiende.

Súmate á Plataforma de apoio a Rubalcaba!

VI Feira do Outono en Coeses

2011-10-24T16:08:00.002+02:00

O día 30 de outubro no Campo da Festa de Sta. María Magdalena de Coeses, a partir das 9:30 da mañá, terá lugar a VI Feira do Outono, con venta e exposición de todo tipo de mercadorías, desde productos da terra a artesanía en madeira ou ferro. Todo elo en compaña dunha pulpería. Haberá unha carpa e tamén sortearase “in situ” unha cesta anticrisis.

Esta feira está organizada pola Asociación Cultural, Xuvenil e Veciñal "O Castro" de Coeses, que conta coa colaboración de Moega (Sociedade Cooperativa Galega), do Concello de Lugo e de AgrupaLugo (Agrupación de Asociacións de Veciños de Lugo).

O municipio de Lugo, polo especial da súa xeografía, da súa historia e dos costumes das súas xentes, desenvolveu unha serie de produtos e servizos propios e moi coñecidos, baseados na cultura e os froitos da terra. Contamos con calidade, variedade, singularidade e marca nos nosos produtos e servizos, que destacan en sectores como son a alimentación, a artesanía, a moda, o ocio, etc. O que nos permite ver que a riqueza de Lugo é incalculable.

Co obxectivo de dar a coñecer os produtos lucenses e promocionar o seu consumo dentro e fóra do municipio de Lugo, realízase a Feira de Outono en Coeses, para potenciar a economía lucense e especialmente para dinamizar a zona rural, promocionando os seus produtos e servizos.

Como Presidente de AgrupaLugo podo indicar que para a entidade que represento trátase dunha importante iniciativa para o desenvolvemento económico do rural e dende AgrupaLugo queremos apoiar firmemente iniciativas deste tipo, que son froito dun proxecto dunha asociación que forma parte da nosa Agrupación. Dende AgrupaLugo queremos felicitar ás compañeiras e compañeiros que traballan para que esta feira se poida levar a cabo, porque para a nosa Agrupación iniciativas como esta son unha boa mostra do traballo que estamos a realizar polo desenvolvemento da zona rural.

Anímovos a que vos pasedes por Coeses, para celebrar un día de Feira. Seredes todos ben recibidos!

Defensa do ensino público

2011-10-19T16:28:00.001+02:00

Síntome orgulloso de poder dicir que sempre estudei no ensino público, o que me deu a posibilidade de realizar os meus estudos. Grazas a que puiden estudar no ensino público son Licenciado en Ciencias Políticas e da Administración pola Universidade de Santiago de Compostela. Fixen os estudos de Primaria no Colexio Público de Casás (Lugo) e os de Secundaria e Bacharelato no IES Manuel Leiras Pulpeiro de Lugo. E como digo sempre, eu se teño fillos gustaríame que poidan estudar no ensino público.

Por iso, considero que é necesario denunciar os ataques que está a sufrir o ensino por parte do PP, para que a cidadanía se dea conta de que o que nos estamos xogando vai máis aló da economía, xa que o que realmente supoñen estes recortes é a redución de calidade no ensino público, ao ter menos profesores, e o incremento do fracaso escolar que leva aparellado.

Estas políticas restritivas en gasto educativo buscan a deterioración do dereito fundamental de formarse ao longo de toda a vida, que só garante o ensino público. Os recortes que se están producindo nestes momentos, nalgunhas comunidades autónomas, minguarán a equidade e a calidade do ensino.

Agora máis que nunca a loita contra o fracaso e o abandono escolar debe ser o obxectivo prioritario. Sen investimento en educación non haberá avance posible. De non ser así a calidade do ensino sufrirá un gravísimo deterioro, e por ende, o futuro da nosa sociedade.

Só con máis educación sairemos da crise xa que a máis ensino máis posibilidades de atopar un mellor emprego e avanzar. Algo do que non se decatou o PP que recortou, entre outros, 3.500 profesores en Madrid ou 1.100 en Valencia. Todo un exemplo do que nos espera se goberna Rajoy.

Cada euro que se recorta no ensino público é un euro menos que se invirte no noso futuro, o de todos.

VIII Comida Veciñal de Tirimol

2011-10-18T16:03:00.001+02:00

Este domingo, día 16 de outubro, celebramos a VIII Comida Veciñal de Tirimol, que organizamos dende a Xunta Directiva da Asociación de Veciños, Cultural e Deportiva de San Xoán de Tirimol na honra á Nosa Señora do Rosario. Por este motivo, realizáronme como Secretario da Asociación unha entrevista para o xonal El Progreso, que quero compartir a continuación no meu blog:

¿En qué consistirán los actos?
Los actos que organiza la Asociación de Veciños, Cultural e Deportiva de San Xoán de Tirimol en honor a Nuestra Señora del Rosario, que es la patrona de la parroquia, comenzarán a la una del mediodía con una misa solemne y procesión y después a las dos y media celebraremos la octava edición de la comida vecinal en el campo de la fiesta, en una carpa cerrada lateralmente.

¿Tienen actividades paralelas?
La comida estará amenizada por el dúo Armonía y habrá una cama elástica gratuita para los niños que asistan.

¿Cuál es el menú?
El menú está compuesto por empanada, lacón, pulpo á feira con cachelos, carne ao caldeiro, vino, agua, refrescos, tarta de Santiago, café y chupito.

¿Cuántos acudirán?
Hay unas 150 personas inscritas. Los socios pagan 20 euros y los que no lo son 25. Esta, con unos 400 vecinos, es una de las parroquias más pobladas de la zona rural del municipio de Lugo.

¿Organizan más actividades?
Celebramos las fiestas del patrón San Xoán, con la hoguera, el Carnaval y magostos populares, entre otras.

Fonte: Entrevista a Diego Pena Luaces en EMERGENTES, publicada no xornal El Progreso, 16 de outubro do 2011, páx. 12.

San Froilán 2011

2011-09-30T16:05:00.001+02:00

Do 4 ao 12 de outubro Lugo está de festa, porque celebramos as festas do San Froilán. Durante estes nove días os lucenses e os que nos visiten poderemos participar nun amplo programa festivo, con actividades para tódolos gustos. Trátase dunhas festas que conxugan a tradición coa modernidade, declaradas como Festa de Interese Turístico Galego e Fiesta de Interés Turistico Nacional.

Estas festas están organizadas polo Concello de Lugo e permítennos disfrutar de moitas actividades, como asistir a concertos, dar unha volta polo recinto feiral, ver competicións deportivas, comer o polbo á feira nas casetas, todos eles uns elementos que non poden faltar no San Froilán. E os máis pequenos teñen o San Froilán Miúdo cunha morea de actividades para eles.

Ademais haberá moita animación polas rúas a cargo de grupos do máis diverso e de distintos estilos que actuarán por barrios como A Milagrosa, A Cheda, O Sagrado Corazón, Fingoi, A Piringalla ou A Residencia dende o 4 ao 12 de outubro. Así que como lucense invítovos a todos e a todas a que veñades a Lugo a gozar destas festas.

Que o pasemos moi ben e que todos e todas teñamos unhas felices festas!

Os recortes do PP

2011-09-28T17:22:00.000+02:00

Como podemos ver neste vídeo, o PP está intentando desmontar o Estado de Benestar naquelas comunidades autónomas e concellos onde goberna, realizando recortes en educación, dependencia e sanidade. Exemplos destes recortes do PP son os recortes educativos na Comunidade de Madrid, recortes sanitarios na Comunidade de Castela-A Mancha; a desaparición da gratuidade nos libros de texto en Galicia ou os recortes que nos anuncian para mañá en Baleares.

En Galicia co Goberno de Feijóo temos varios exemplos de recortes do PP en dereitos adquiridos pola cidadanía, como o desmantelamento dos Plans de Cooperación cos concellos, a eliminación de prazas docentes en primaria e a redución do 30% dos docentes das escolas oficiais de idiomas, ou a anulación de obras de abastecemento e rexeneración dos ríos en Ferrol, Padrón e Rodeiro. E neste contexto todos e todas nos preguntamos que ten pensado o PP para España?

O PP debe aclarar os seus plans, porque dá a impresión de que están preparando un desguace do Estado do Benestar e convén que se saiba. O pouco que explicou o PP para o Goberno de España referiuse ao copagamento sanitario, a modificación das leis de ampliación de dereitos, a supresión da gratuidade do ensino obrigatorio. Ademais, con isto podemos ver que non todos os partidos políticos responden igual ante a crise mundial.

Diálogos en Red

2011-09-19T16:08:00.003+02:00

O PSOE con Rubalcaba ten a participación cidadá como un dos seus trazos característicos, forma parte do seu ADN; por iso fóronse desenvolvendo propostas de participación nos diferentes Concellos gobernados polos socialistas, e tamén intentamos abrir o partido á cidadanía.

A sociedade está a demandar, cada vez máis intensamente, máis e mellores formas de participación social e política; a cidadanía quere votar, pero tamén quere achegar ideas, solucións aos seus problemas, opinións, valoración das iniciativas políticas... En definitiva un maior compromiso e influencia cidadá nos asuntos públicos.

Hoxe grazas ás Tecnoloxías da Información, o PSOE pode mellorar os mecanismos de participación, pero tamén de transparencia, na nosa propia organización política. Presentamos Diálogos en Red, que é un sistema de participación e debate on-line. Diálogos en Red pretende converterse nunha ferramenta na que quen o desexe poida: propoñer, opinar, valorar, debater, conversar sobre as propostas políticas.

O PSOE con Rubalcaba está moi interesado en Escoitar, en Facer e en Explicar; por iso queremos que na nosa próxima Conferencia Política cidadáns e cidadás e colectivos sociais, poidan valorar e debater sobre as propostas que serán as liñas base do noso programa electoral; para iso utilizaremos Diálogos en Red como un espazo que che permita facer propostas que se poidan ter en conta para o programa electoral do PSOE.

Un compromiso coa accesibilidade

2011-09-05T19:06:00.007+02:00

Cando os meus veciños me elixiron para formar parte da Xunta Directiva da Asociación Veciñal de Tirimol como Secretario tiven un soño, que era conseguir que o Centro Social de Tirimol fose accesible para todos e todas. Soñei que algún día conseguiríamos eliminar as barreiras arquitectónicas que lles impiden a persoas con diversidade funcional ou mobilidade reducida entrar ao Local Social que temos na nosa parroquia e que é propiedade dos veciños e dende a nosa asociación nos encargamos da súa xestión.

Por iso no ano 2007 púxenme en contacto coa Asociación Auxilia, porque estaban levando a cabo unha campaña conxunta que realizan co Concello de Lugo, para concienciar e informar sobre a accesibilidade no noso municipio. E veu a visitarnos o seu Coordinador Local, Manuel Piñeiro, para comprobar a accesibilidade das nosas instalacións. Polo que lles queremos agradecer ao Concello de Lugo e a Auxilia a atención que nos prestaron para axudarnos e indicarnos os aspectos nos que temos que traballar para lograr a accesibilidade.

E estou moi contento, porque podo dicirvos que ese soño que tiña pronto deixará de selo, porque a accesibilidade do Centro Social de Tirimol vai a ser unha realidade grazas ao apoio da Deputación de Lugo, a través do Plan de Axudas a Comunidades Veciñais do 2011, e ao apoio da Concellería de Benestar Social, Igualdade e Xuventude do Concello de Lugo, que fixo posible que xa teñamos uns baños totalmente accesibles e adaptados a persoas con diversidade funcional.

E nestes momentos estamos a levar a cabo un proxecto de accesibilidade destas instalacións, debido ao que imos a facer unhas ramplas de acceso para o Centro Social de Tirimol, entre outras actuacións. Porque estamos convencidos de que calquera veciño debe de ter dereito a acceder ás instalacións, sen atoparse ningún tipo de atranco que llo impida. Polo que estamos a traballar para que as nosas instalacións sexan accesibles para todos e todas o antes posible.

Temos que ter en conta que calquera persoa pode ter dificultades de mobilidade nalgún momento da súa vida, por exemplo cando somos maiores, ou se temos un accidente. Por iso debemos de pensar en todos e todas, facilitando o acceso a unhas instalacións veciñais en igualdade de condicións.

Novo programa formativo nos Telecentros Rurais

2011-08-24T23:06:00.006+02:00

A partir do mes de setembro iniciaremos un novo programa de formación que contén actividades de difusión e formación sobre as novas tecnoloxías, enmarcado dentro do Proxecto europeo PARNET-tic, que xestionamos dende o Concello de Lugo, e que terá lugar nos telecentros rurais das parroquias de Santa María de Bóveda, Rubiás, Meilán, Vilachá de Mera, Calde e San Pedro de Mera. O prazo de inscrición neste programa formativo está aberto, debendo chamar ao teléfono do 010 do Concello ou ao 982 297 350 para chamadas desde fóra do municipio.

O programa formativo ten por obxectivo iniciar aos usuarios e ás usuarias no uso da Internet e das novas tecnoloxías aplicadas ao uso cotián. É un programa dirixido a toda a cidadanía, con actividades para os nenos, os pais, os maiores, as PEMEs e os agricultores.

No telecentro de Santa María de Bóveda as actividades terán lugar os vindeiros días 1, 2 e 5 de setembro en horario de 10.00 a 13.00 horas, mentres que no telecentro de Rubiás será ós mesmos días pero en horario de tarde, de 17.00 a 20.00 horas.

Comeza tamén no telecentro rural de Meilán á formación de novas tecnoloxías os días 6, 7 e 8 de setembro en horario de mañá, de 10.00 a 13.00 horas, e no telecentro de Vilachá de Mera en horario de tarde, de 18.00 a 21.00 horas.

Por outro lado, os próximos días 9, 12 e 13 de setembro, empezan ditas actividades no telecentro rural de Calde de 10.00 a 13.00 horas, e no telecentro de San Pedro de Mera de 17.00 a 20.00 horas.

Estas actividades están incluidas no Proxecto europeo PARNET-tic, que se integra no programa de cooperación territorial "Espazo Sudoeste 2007-2013" da Unión Europea. E dende o meu blog anímovos a todos e todas a participar nas distintas actividades que organizamos dende o Concello de Lugo nos distintos telecentros municipais da zona rural. Para máis información no teléfono 010 do Concello ou na web www.lugo.es.

Apertura dos xardíns da Deputación

2011-08-12T22:21:00.004+02:00

O Presidente da Deputación, José Ramón Gómez Besteiro, e o Alcalde de Lugo, José López Orozco, inauguraron o novo espazo dos fermosos xardíns da Deputación, que dende o mes pasado está aberto para a cidadanía e que foi rehabilitado conxuntamente polas dúas administracións co Plan Urban. Deste xeito os lucenses recuperamos como espazo público o que era de uso exclusivo, continuando coa apertura da Deputación á cidade e á provincia.

Os xardíns provinciais que foron acondicionados conxuntamente co Plan Urban, o programa europeo que impulsan ambas as dúas administracións e que inclúe ambiciosas actuacións como a reactivación do casco histórico ou a peonalización da praza de San Marcos. Desde hai catro anos os veciños convertemos nun xesto habitual o cruzar a porta da Deputación, ata ese momento a grande descoñecida. Dende hoxe, abriuse tamén a un dos monumentos máis importantes da provincia: a Muralla de Lugo, facendo máis visible esta institución que está ao servizo de todos e contribuíndo a ampliar o Paseo Interior.

A cidadanía temos a nosa disposición esta nova zona de estancia ata o de agora pechada ao público e que permite dar continuidade ao Paseo Interior da Muralla, logo da recuperación e adecuación dos calexóns que conectan desde a rúa do Teatro ata a Praza do Ferrol. A zona rehabilitada ocupa unha superficie de 8.000 metros cadrados e ten wifi gratuíto grazas ao programa Innova-TE de administración electrónica da Deputación. Nela inclúe un paseo pavimentado en pedra de máis de 100 metros que permite que a parte posterior do Pazo tamén sexa transitable, así como zonas verdes e mobiliario urbano que humanizan o espazo, facendo máis agradable a estancia dos usuarios. Os xardíns permanecerán pechados unicamente pola noite, das 24:00 ás 7:00 horas.

Actividades nos Telecentros Rurais

2011-07-23T10:18:00.006+02:00

Os Concelleiros de Servizos Xerais e Modernización Administrativa, Francisco Fraga, e o de Zona Rural, Manuel Chaín, xunto cos técnicos do Proxecto PARNET-tic no Concello de Lugo, visitamos varios telecentros rurais. Nestas visitas presentámoslles o programa formativo de verán aos pedáneos e aos representantes das asociacións veciñais das parroquias.

Este programa desenvolverase durante o mes de agosto nos telecentros rurais das parroquias de Castelo, Coeses, Santiago de Saá e San Xoán do Campo. O programa contén actividades de difusión e formación sobre as Novas Tecnoloxías, que se desenvolverán nestas parroquias da zona rural do municipio dentro do Proxecto europeo PARNET-tic.

O programa formativo ten por obxectivo iniciar os usuarios no uso de Internet e das Novas Tecnoloxías aplicadas ao uso cotián. Un programa dirixido a toda a cidadanía, con actividades para os nenos, os pais, os maiores, as PEMEs e os agricultores.

O equipo de PARNET-tic no Concello deseñamos a programación destas actividades, establecendo o calendario e os horarios nos que se desenvolverán, para o cal contamos coas suxestións dos pedáneos e dos representantes das asociacións veciñais.

O Proxecto europeo PARNET-tic está destinado ao fomento da sociedade da información nos territorios rurais, fomentando o acceso ás infraestruturas da comunicación e á sociedade da información. Este proxecto intégrase no programa de cooperación territorial "Espazo Sudoeste 2007-2013" da Unión Europea.

E dende o meu blog animo a tódolos lucenses a participar nas distintas actividades que organizamos dende o Concello de Lugo nos distintos telecentros municipais da zona rural e da cidade. Para máis información no teléfono 010 do Concello ou na web www.lugo.es.

P.D.: Quero condenar rotundamente a matanza de Utoya e o atentado cometido en Oslo. Ademais quero mostrarlle a miña solidariedade aos compañeiros das Xuventudes Laboristas, ao Goberno de Noruega e ás familias dos falecidos, aos que lles quitaron a súa vida nuns actos que non teñen ningunha xustificación.

Como estou de vacacións, vou a descansar uns días para volver con máis enerxías. Así que volverei a estar con vos no meu blog á volta. Ata entón pasádeo moi ben e que teñades un feliz verán!

Internet é prioritario no rural

2011-07-15T18:05:00.002+02:00

Tal e como vos acabo de adiantar fai uns minutos a través das redes sociais, o Valedor do Pobo dálle a razón a AGRUPALUGO e suxírelle á Xunta de Galicia prioridade no desenrolo da banda larga no rural de Lugo e un acceso de calidade.

Deste xeito o Valedor do Pobo responde ao escrito de queixa que presentamos dende AGRUPALUGO ante esta Institución, no que criticamos o total abandono ao que a Xunta de Galicia está a someter o seu compromiso coa banda ancha no medio rural de Lugo, xa que pesar de ser a Xunta quen ten a competencia nesta materia, o Goberno galego non se preocupa por levar Internet ao rural. Motivo polo cal dende AGRUPALUGO denunciamos a través dos medios de comunicación que co novo sistema de identificación animal a Xunta "tómalle o pelo aos gandeiros".

O escrito de queixa que presentamos ante o Valedor do Pobo deu lugar a un expediente, que foi admitido a trámite e que rematou cunha investigación pola súa parte. E a continuación fago público no meu blog o resultado completo desta investigación que levou a cabo o Valedor do Pobo a instancia de AGRUPALUGO:

"Dita queixa refírese ás dificultades que no ámbito rural de Lugo existen para acceder a Internet, especialmente no ámbito das explotacións gandeiras. Como vostede sabe, tras o estudo e análise deste asunto, fixemos unha suxestión á Secretaría Xeral de Modernización e Innovación Tecnolóxica da Xunta de Galicia para que no desenrolo da banda larga en Galicia dese prioridade os sectores que por razóns profesionais teñan necesidades dun acceso a Internet de calidade.

Esta Secretaría Xeral respondeu afirmativamente a dita suxestión. Así mesmo, indica que nos despregamentos do Plan Banda Larga de Galicia 2010-2013 da Xunta de Galicia se terá en conta ademais da demanda da poboación do rural de Galicia a demanda do sector empresarial e do sector público. Téñase en conta que se trata dun plan a catro anos e que nos próximos meses iniciaranse novos despregamentos co fin de seguir incrementando a porcentaxe de acceso de calidade no rural de Lugo."

Así que agora dende AGRUPALUGO velaremos polo cumprimento dos compromisos adquiridos pola Xunta de Galicia de levar a banda larga ao rural, para que se garanta a igualdade de toda a cidadanía de acceso aos dereitos e aos mesmos servizos.

Rubalcaba: escoitar, facer, explicar

2011-07-09T14:03:00.002+02:00

Rubalcaba é un político auténtico que vai traballar cos instrumentos da política de sempre: a escoita, o diálogo e o debate buscando solucións para a maioría social, a maioría coa que sempre gobernou o PSOE.

Rubalcaba escoita para saber o que pensa, o que sente e o que quere a xente, para actuar e dar solucións, para explicar por que e como se fixeron as cousas. En definitiva, "Rubalcaba: escoitar, facer, explicar" son as tres patas coas que o PSOE vai camiñar durante toda a campaña electoral, porque é o que mellor sabe facer o noso candidato socialista e ademais é o que cremos que a xente está a demandar da política: máis política, pero máis próxima.

E a min paréceme un traballo e un reto ilusionante, porque como nos dixo: "España es un gran país y los grandes países lo son, no por estar libres de dificultades, sino por su capacidad de superarlas".

Agora todos e todas estamos con Rubalcaba, porque o noso candidato Rubalcaba emplázanos a traballar desde XA mesmo: "¡Hagamos que suceda! ¡A la tarea!"

Festas de Tirimol 2011

2011-06-20T10:23:00.001+02:00

Os días 23, 24, 25 e 26 de xuño celebraranse as Festas Patronais de San Xoán de Tirimol. Este ano temos un programa moi completo, que conta cunha exhibición canina do Club de Agility AGIMEI o día 24, pasarrúas pola parroquia a cargo do Grupo Devandoira os días 25 e 26 ou a actuación da Banda Murajazz Big-Band o día 20, entre outras moitas actividades. A festa facémola na Pista Polideportiva, que usamos como Campo da Festa e que está ao lado do Centro Social de Tirimol. Estas festas organizámolas dende a Xunta Directiva da Asociación de Veciños, Cultural e Deportiva de San Xoán de Tirimol.

Unhas festas que non serían posibles sen a axuda de moitas persoas, empresas e entidades, porque grazas á súa implicación podemos gozar dun amplo programa de actividades. Por iso dende a Asociación Veciñal queremos agradecer aos veciños, ás empresas, á Deputación e ao Concello de Lugo a súa colaboración coas festas da parroquia de Tirimol.

Dende a Asociación Veciñal quixemos que o programa de festas fose variado, para que houbera actuacións para tódolos gustos. Porque desta maneira tódolos veciños e todos aqueles que nos visiten durante estes días poderán gozar destas festas. Ademais estades todos convidados a vir ás Festas de Tirimol, porque seguro que o pasaredes moi ben e vos divertiredes moito, porque a diversión está asegurada.

Deséxovos a tódolos meus veciños e a todos os que nos visitedes estes días que pasedes unhas BOAS FESTAS!

PROGRAMA:

Xoves, 23 de xuño:
Ás 22:00 horas Gran Churrascada e verbena amenizada pola Orquestra LOS EMPERADORES
Ás 22:30 horas queima da GRAN FOGUEIRA

Venres, 24 de xuño: DÍA DO PATRÓN
Misa Solemne e procesión ás 13:00 horas
Ás 13:45 horas Sesión Vermú amenizada pola Orquestra ATENAS
Ás 22:00 horas Verbena amenizada pola Orquestra ATENAS
Ás 22:30 horas Exhibición canina do Club de Agility AGIMEI

Sábado, 25 de xuño:
Ás 10:30 horas Pasarrúas a cargo do Grupo DEVANDOIRA
Misa Solemne e procesión ás 13:00 horas
Ás 13:45 horas Sesión Vermú amenizada pola Orquestra TROLE
Ás 23:00 horas Verbena amenizada pola Orquestra TROLE e o Dúo ECLIPSE

Domingo, 26 de xuño:
Ás 10:30 horas Pasarrúas a cargo do Grupo DEVANDOIRA
Misa Solemne e procesión ás 13:00 horas
Ás 13:45 horas Sesión Vermú amenizada pola Banda MURAJAZZ BIG-BAND
Ás 22:00 horas Verbena amenizada polo Dúo ARMONÍA

Haberá fogos de artificio e competicións deportivas.

Arde Lucus MMXI

2011-06-13T17:45:00.000+02:00

O Arde Lucus MMXI celebrarase o venres 17, sábado 18 e domingo 19 de xuño. Durante estes tres días de festa recrearase o pasado romano da cidade de Lugo. Deste xeito do 17 ao 19 de xuño Lucus Augusti arderá de novo.

Este ano é moi especial para o Arde Lucus, porque celebramos o seu o décimo aniversario e ademais festexamos que foi declarado como Festa de Interese Turístico Galego. Levamos unha década de intensa historia, na que o Arde Lucu s creceu grazas ás ilusións, á alegría e o bo humor de todas as persoas que, dun modo ou outro, participan nesta festa.

Neste Arde Lucus haberá máis de 240 actividades, actuacións e espectáculos, que conforman o programa desta nova edición da festa, que se celebrará desde este venres á tarde ata o domingo á noite e que está organizada polo Concello de Lugo.

Dende este momento a cidade comezará a vivir tres días de intensa actividade nos que lucenses e visitantes poderemos disfrutar coa recreación da historia, das tradicións e da cultura romana. E como lucense invítovos a todos e a todas a que veñades a Lugo, porque o pasaredes moi ben.

A Tarxeta Cidadá

2011-06-06T18:07:00.002+02:00

A Tarxeta Cidadá é un dispositivo intelixente multiservizo que nos permite identificarnos e facer uso dos servizos municipais dun modo rápido e sinxelo. Esta tarxeta serve para aboar o billete de autobús urbano e do futuro transporte metropolitano, co moedeiro de transporte, mediante o uso de lectores sen contacto. Tamén serve para pagar os parquímetros do sistema ORA co moedeiro de servizos mediante o uso de lectores con contacto. Ademais podes identificarte no acceso ás instalacións e para o aboamento de servizos municipais, como a reserva de pistas, bonos para piscina, etc. Progresivamente a Tarxeta Cidadá gañará versatilidade e sumará novas utilidades.

A Tarxeta Cidadá é unha iniciativa da Concellería de Servizos Xerais do Concello de Lugo. Esta tarxeta dispón de dous moedeiros diferentes e independentes, como son o moedeiro de transporte e o moedeiro de servizos municipais. O diñeiro cargado no moedeiro de transporte servirá exclusivamente para o pagamento das viaxes nos autobuses urbanos do Concello e do futuro transporte metropolitano que xestione a Xunta. O diñeiro depositado no moedeiro de servizos municipais destinarase a aboamentos no resto de servizos municipais como a ORA, os de Deportes e os que posteriormente se incorporen ao sistema de xestión da tarxeta.

Eu soliciteina e xa teño a miña Tarxeta Cidadá, así que recoméndovos que solicitedes a vosa tarxeta, porque ten moitas vantaxes e permite unha maior comodidade e facilidade no acceso a moitos servizos municipais. A Tarxeta Cidadá solicítase concertando unha cita previa a través do teléfono 010 do Concello, onde ademais facilitarán información sobre a documentación que hai que achegar para a solicitude. Tamén se poderá solicitala dende a páxina web do Concello www.lugo.es.

Rompe co tabaco

2011-05-31T16:58:00.000+02:00

Máis dun millón de mozos entre 16 e 24 anos fuma a diario segundo se desprende da Enquisa de Saúde en España do ano 2009. Segundo os expertos, un de cada tres consumidores de tabaco adolescentes desenvolverá unha dependencia clinicamente relevante ata a idade de 35 anos, o que significa aumentar o risco de desenvolver enfermidades relacionadas co consumo de tabaco na idade adulta.

Á vista destes datos, e para previr o tabaquismo e as súas consecuencias nos máis novos, a Asociación Española Contra o Cancro (aecc) lanzou unha campaña de concienciación que leva por título "Rompe co tabaco”. E hoxe, 31 de maio, coincidindo coa celebración do Día Mundial Sen Tabaco, quero compartir no meu blog este interesante vídeo que foi realizado para esta campaña.

Esta campaña, cuxo obxectivo é que os mozos deixen de fumar, contou coa participación de artistas e deportistas como Alejandro Sanz, Ricky Rubio, Jesús Olmedo, Dafne Fernández ou Diego Forlan, e coa colaboración de entidades xuvenís como o Instituto da Xuventude (INJUVE), o Consello da Xuventude de España (CJE) e a Rede de Universidades Saudables.

Os mozos e mozas, por riba de todo, queremos sentirnos libres, non obstante algúns deixan que o tabaco controle as súas vidas. Para deixar de fumar, é necesario que vexan o tabaco como unha atadura fronte á que deben rebelarse, de aí que o lema da campaña sexa: "Rompe co tabaco".

Para que gañe Lugo

2011-05-20T11:42:00.000+02:00

A transformación que está a vivir Lugo non sería posible se non tivéramos un Alcalde como o que temos, que ten a mesma ilusión e as mesmas ganas de traballar por Lugo como o primeiro día. José López Orozco é un político cercano, que está preto da cidadanía e dos seus problemas. Traballa con forza e ilusión por un Lugo igualitario e moderno, na cidade e na zona rural, facendo propostas constructivas e, sobre todo, sen faltar ao respeto nunca aos seus adversarios políticos.

Temos un Alcalde que é un firme defensor de buscar a igualdade entre os veciños e veciñas, independentemente do lugar no que vivamos. Por iso este é un proxecto imparable, no que contamos e participamos todos e todas e do que nos sentimos orgullosos como lucenses. Grazas ao traballo realizado hoxe temos un Lugo que construímos entre todos, que ti contribuiche a facer. Agora é o teu momento para apostar por que continúe ese compromiso absoluto coa cidade, para que isto non se pare.

Os socialistas lucenses estamos locos por Lugo e entendemos a política coma un servizo público, por iso traballamos para mellorar a calidade de vida de todos os veciños e veciñas de Lugo. Por iso melloramos as entradas da cidade, os barrios, a zona rural. Tamén apostamos polos servizos públicos con Escolas Infantís, Centros de Convivencia, centros de Día e de dinamización no rural, zonas verdes, rúas limpas, rúas asfaltadas e con saneamento no centro e nos barrios, na zona zona urbana e na zona rural, iluminación...

Por todo o traballo feito e por todo o que queremos facer, pídoche a túa confianza o próximo domingo para o PSdeG-PSOE de Lugo, votando polo Alcalde Orozco e polo equipo que o acompañamos neste proxecto ilusionante, para que gañe Lugo.

O cambio de Lugo

2011-05-17T10:45:00.000+02:00

Se pechas os ollos uns segundos e tratas de recordar como era Lugo hai 12 anos, verás o cambio que se produciu co goberno de José López Orozco, tal e como podemos ver neste vídeo, porque apostou polos barrios e polas parroquias, mellorando a calidade de vida de todos os veciños e veciñas, con independencia do lugar no que vivamos. E a transformación que está a vivir Lugo dá boa conta da aposta e do compromiso que ten José López Orozco. E isto é algo evidente, aínda que por moito que algúns o intenten, a realidade de Lugo non se pode negar, porque a vemos tódolos días os cidadáns.

O investimento realizado polo Concello de Lugo nos barrios e nas parroquias ao longo destes doce anos é unha boa mostra do cambio que deu Lugo. Agora Lugo está camiñando nunha nova etapa na que relanza a cidade: os barrios e o centro, así como a zona rural. As obras, entre outras actuacións levadas a cabo polo Concello de Lugo, produciron unha transformación dunha cidade que é pequena, pero que se pode comparar en servizos con calquera outra cidade de Galicia e de España. O cambio levado a cabo na cidade e na zona rural sentou as bases que permitirán seguir mellorando Lugo.

O cambio foi posible grazas a ter un Alcalde e un goberno socialista en Lugo, que está preto dos veciños e veciñas e escoitando as suxestións e inquedanzas para mellorar o noso concello, porque xuntos facemos Lugo. Os socialistas lucenses estamos locos por Lugo e por iso seguiremos traballando para mellorar a calidade de vida de todos os veciños e veciñas de Lugo, da zona urbana e da rural e realizando unha aposta por tódolos barrios e por tódalas parroquias do noso concello.

Se coma nos, ti tamén estás loc@ por Lugo, axúdanos a difundir este vídeo entre os teus contactos e amigos e sobre todo, recorda que o 22 de maio ti es o máis importante para que gane Lugo.

Lugo en primeira persoa

2011-05-11T16:15:00.001+02:00

Neste vídeo vemos a Lugo en primeira persoa, co noso Alcalde e candidato á Alcaldía polo PSdeG-PSOE, José López Orozco. No vídeo podemos ver un proxecto de cidade iniciado hai doce anos que continúa, porque así o quixemos os lucenses, e que levou á modernización, mellora e cambio deste Concello como nunca se deu no seno do mesmo. E isto é algo evidente, aínda que por moito que algúns o intenten, a realidade de Lugo non se pode negar, porque a vemos tódolos días os cidadáns.

Este proxecto ilusionante do PSdeG-PSOE de Lugo permitiu un cambio profundo no eido social, sen esquecer nunca aos que más o necesitan; un cambio da vida cultural, porque Lugo está á altura das cidades das súas características; un cambio no eido deportivo, no que as instalacións deportivas nada teñen que ver coas que había antes de 1999; un cambio no coñecemento e promoción da cidade e por iso no aumento paulatino de turistas que estamos a vivir; un cambio no desenvolvemento urbanístico, que levou a que barrios enteiros ofrezan un aspecto totalmente distinto o que tiñan.

Un cambio nas dotacións e nos equipamentos, tanto na zona urbana como na zona rural; un cambio nas infraestructuras viarias e medioambientais, que fan da nosa cidade e da zona rural un modelo a seguir; un cambio na preocupación e deseño na colaboración na educación por parte do Concello de Lugo; un cambio na atención as persoas en paro cos continuos programas de reinserción laboral e promocións de políticas emprendedoras do Concello; un cambio constante na apertura da administración municipal aos veciños, tanto da zona urbana como rural, facendo que cheguen as novas tecnoloxías; un cambio que fixo da cidade de Lugo unha das cidades máis seguras de España...

Por todo o que está feito e porque aínda quedan cousas por facer, así que podemos e debemos seguir nesta dirección que nos fai avanzar cara diante. Para que Lugo siga mellorando, para que Lugo gañe, os socialistas lucenses pedimos a confianza neste proxecto imparable, no que contamos e participamos todos e todas e do que nos sentimos orgullosos como lucenses.

25 anos da Lei Xeral de Sanidade

2011-04-25T19:58:00.002+02:00

Hoxe, 25 de abril, cando se cumpren 25 Anos da Aprobación da Lei Xeral de Sanidade 14/1986, quero facer referencia no meu blog a este importante acontecemento, citando algunhas ideas do Manifesto do PSOE polo 25 aniversario da Lei Xeral de Sanidade e deste vídeo. Porque con esta Lei creouse o noso Sistema Nacional de Saúde, que foi un dos legados máis importantes que nos deixou o primeiro goberno socialista de Felipe González e unha das leis clave da nosa democracia.

Esta Lei, promovida polo ministro socialista, Ernest Lluch, puxo en marcha a reforma e modernización da sanidade española, consagrando os principios de universalidade e financiamento público a través de impostos, transcendental para asegurar o papel de alicerce fundamental de Estado de Benestar que se quería que desempeñase o sistema sanitario para todos os españois. Tiña un obxectivo prioritario: substituír a caridade por dereitos, vinculando a protección sanitaria á condición de cidadán.

Atopámonos por tanto cun bo sistema do que temos que estar todos orgullosos, froito do traballo de moitas xeracións, constituíndo, hoxe en día, un referente de primeira orde nas políticas de benestar en España e un dos máis avanzados e eficientes de cantos existen en Europa, tanto pola solidez do sistema, a formación e alta cualificación dos seus profesionais, como pola súa calidade científica e polas súas prestacións.

Agora temos que seguir apoiando o futuro dun sistema público e universal que se puxo en marcha hai 25 anos. Ante os que propoñen menos servizos públicos para deixar todo en mans do mercado, os socialistas apostamos por servizos públicos máis potentes, mellor dotados e máis eficaces, como elemento intrínseco da xustiza social que defendemos.

Ano europeo do Voluntariado

2011-04-15T20:43:00.001+02:00

Onte asistín ás xonadas “Novas redes para o voluntariado en Europa. 2011 Ano Europeo do voluntariado”, que están organizadas polo Concello de Lugo, a través do Centro de información europea Europe Direct-Lugo, xunto coa Universidade de Santiago de Compostela e as entidades sociais da cidade de Lugo.

Nestas xornadas vin este vídeo, que me gustou moito e que quero compartir con vos, porque podedes ver como as persoas voluntarias animan á cidadanía a participar en actividades de voluntariado por unha infinidade de motivos.

O ano 2011 foi nomeado pola Comisión Europea, Ano Europeo do voluntariado. O obxectivo xeral deste ano e fomentar é apoiar o intercambio de experiencias e boas prácticas para crear as condicións na sociedade civil, que favorezan o voluntariado e mellorar a visibilidade das actividades de voluntariado.

Este Encontro de Voluntariado, organizado con motivo do ano 2011, ten como obxectivo favorecer o coñecemento das actividades de voluntariado entre toda a cidadanía. O voluntariado como forma de expresión da participación cidadá é un feito que podemos atopar en diferentes países e que nos debe facer reflexionar sobre a necesidade de compartir experiencias de traballo en rede que nos permita descubrir outras realidades diferentes da lucense.

Vén dar unha volta por Lugo

2011-04-06T16:08:00.002+02:00

Acabo de ver este anuncio nas redes sociais e gustoume moito, polo que quero compartilo con vos no meu blog para invitar a todo o mundo a que veña a "Dar unha volta por Lugo" e descubrir unha cidade con máis de dous mil anos de historia, a Muralla Romana Patrimonio da Humanidade e un lugar marabilloso no que as xentes disfrutan os pequenos praceres da vida. Tamén podedes ver: Spot Oficial de Lugo en castellano.

Lugo foi fundada polos romanos quince anos antes da nosa era co nome de Lucus Augusti, e conserva íntegra unha Muralla que contemplou máis de dous mil anos de historia. A Muralla de Lugo foi designada o 2 de decembro do ano 2000 Patrimonio da Humanidade. Ademais a cidade conta con numerosos recoñecementos que xurdiron a partir desta data.

Así, o 7 de novembro de 2002 a UNESCO designa a parte central da provincia de Lugo, na que se inclúe o municipio, como Reserva da Biosfera "Terras do Miño". Máis tarde virá a declaración de San Froilán como Festa de Interese Turístico Nacional, a declaración de Lugo como Municipio Turístico Galego e o premio Reina Sofía de Accesibilidade 2006 entre outros.

Por todo isto, aproveito agora para invitarvos a que nos visitedes, porque estou seguro de que o pasardes moi ben en Lugo.

Así que eu tamén vos animo a que veñades dar unha volta por Lugo.

Apagar a luz para acender o Planeta

2011-03-26T10:26:00.001+01:00

Ás 20:30 horas de hoxe, sábado 26 de marzo, cidadáns, institucións, empresas e gobernos de todo o mundo apagarán as súas luces durante unha hora, participando así na celebración do evento A Hora do Planeta organizado por WWF, transcendendo todas as barreiras de relixión, cultura, sociedade, xeración e localización xeográfica nunha celebración global polo Planeta.

No que posiblemente será a maior chamada á acción para loitar contra o cambio climático, a Hora do Planeta 2011 conseguirá que centos de millóns de persoas de pobos e cidades dos seis continentes apaguen a luz durante unha hora. A Hora do Planeta 2011 pretende alcanzar o compromiso dun cambio global en beneficio do medio.

Ao animar a cidadáns, empresas e gobernos a comprometerse e actuar en favor da sostibilidade e demostrando tal compromiso ao apagar as luces durante unha hora concreta, a Hora do Planeta estará a lanzar unha poderosa mensaxe de esperanza do que podemos lograr se actuamos xuntos. Isto inspirará outros para que se unan ao obxectivo final de conseguir un mundo máis san.

A Hora do Planeta empezou nunha soa cidade dun país o 31 de marzo de 2007, cando 2,2 millóns de persoas de Sidney, Australia, apagaron as súas luces durante unha hora para reclamar accións contra o cambio climático. Un ano despois, 370 cidades de máis de 35 países converteron esta iniciativa nun movemento global pola sostibilidade, conseguindo que entre 50 e 100 millóns de persoas apagasen as luces na Hora do Planeta 2008. Edificios emblemáticos como a ponte Golden Gate, o Coliseo de Roma, Times Square ou o Cristo Redentor de Río de Janeiro uníronse a este chamamento de acción polo clima escurecéndose durante unha hora.

En Lugo o Concello sumouse un ano máis a esta campaña, como unha mostra máis do seu compromiso coa loita contra o cambio climático e pola defensa do medio ambiente. Polo que a Muralla, a Catedral, a Igrexa de San Froilán e o monumento do bimilenario apagarán as súas luces para tomar conciencia do problema do cambio climático e coñecer a importancia da participación de todos e todas na defensa do medio ambiente.

E dende o meu blog quero aproveitar para animarvos a que vos sumedes a esta iniciativa e durante unha hora apaguemos as luces, deste xeito estaremos actuando contra o cambio climático.

Apostar por Lugo

2011-03-21T19:15:00.000+01:00

O Alcalde, José López Orozco, e o Equipo de Goberno do Concello de Lugo apostan polos barrios e polas parroquias, mellorando a calidade de vida de todos os veciños e veciñas, con independencia do lugar no que vivamos. E a transformación que está a vivir Lugo dá boa conta da aposta e do compromiso que ten o Concello.

O investimento realizado polo Concello de Lugo nos barrios e nas parroquias ao longo destes doce anos, demostra a diferencia existente entre un goberno progresista como o que temos e un que non o é. Así o principio fundamental que rexe a acción de Goberno do Concello que establece que, independentemente do barrio ou parroquia onde se viva, haxa igualdade de dereitos.

Agora Lugo está camiñando nunha nova etapa na que relanza a cidade: os barrios e o centro, así como a zona rural. As obras, entre outras actuacións levadas a cabo polo Concello de Lugo, produciron unha transformación dunha cidade que é pequena, pero que se pode comparar en servizos con calquera outra cidade de Galicia e de España. O cambio levado a cabo na cidade e na zona rural sentou as bases que permitirán seguir mellorando Lugo.

Ademais Lugo facémolo entre todos e todas e por iso a opinión da cidadanía é moi importante para o Alcalde e o Goberno Municipal. Porque neste sentido vai encamiñada a política do PSdeG-PSOE de Lugo, estando preto dos veciños e veciñas e escoitando as suxestións e inquedanzas que temos para mellorar o noso concello, porque xuntos facemos Lugo.

O motor dos socialistas lucenses é traballar para mellorar a calidade de vida de todos os veciños e veciñas de Lugo, da zona urbana e da rural e realizando unha aposta por tódolos barrios e por tódalas parroquias do noso concello. Porque apostar polos barrios da nosa cidade e polas parroquias da nosa zona rural é apostar por Lugo.

Un cargador para todos

2011-03-11T17:32:00.006+01:00

Cada vez que cambiamos de teléfono móbil tamén adoitamos cambiar de cargador, o que dá lugar a unha cantidade enorme de cargadores desbotados que xa non se utilizan. Isto afecta tanto aos consumidores como ao medio ambiente. Non obstante, grazas á Comisión Europea, os principais fabricantes de teléfonos móbiles de Europa chegaron a un acordo para adoptar un cargador universal para móbiles.

En xuño de 2009, os principais fabricantes de teléfonos móbiles de Europa acordaron adoptar un cargador universal para teléfonos móbiles con servizos de datos vendidos na Unión Europea. Un Memorando de Entendemento (MdE), asinado ata a data por 14 fabricantes, compromete a industria a proporcionar cargadores compatibles sobre a base do conector micro USB.

A partir de 2011 só se necesita un cargador para todos estes teléfonos e os consumidores europeos podemos comprar un cargador para teléfono móbil estándar para todos os teléfonos de servizo de datos vendidos nos 27 Estados membros da Unión Europea.

Así pois, cando esquezamos nosos cargadores, poderemos cargar nosos móbiles usando o novo cargador común. Ademais, como os cargadores se venderán por separado, non teremos que comprar un novo cargador cada novo teléfono móbil. Así mesmo, dado que o número de cargadores se verá reducido, o impacto ambiental será positivo. A redución do número de cargadores vendidos innecesariamente reducirá considerablemente os residuos electrónicos nos próximos anos.

Con esta interesante iniciativa da Comisión Europea espérase que os beneficios ambientais da harmonización dos cargadores sexan considerables. O número de cargadores vendidos innecesariamente reducirá os residuos electrónicos xerados por este motivo. Tamén se espera que o cargador común mellore a eficiencia enerxética, ao cumprir as novas normas europeas harmonizadas e ao reducir, deste modo, o consumo de enerxía.

P.D.: Quero mostrarlle toda a miña solidariedade e todo o meu apoio aos damnificados e ao pobo de Xapón, que está pasando por uns momentos terribles a causa do forte tremor de terra que ocorreu hoxe.

100 anos celebrando o 8 de marzo

2011-03-08T13:11:00.001+01:00

Hoxe conmemóramos o 8 de marzo, Día Internacional da Muller, nunha data na que xa levamos 100 anos celebrando este Día. Así que de xeito especial neste día quero recoñecer a gran importancia das mulleres na nosa sociedade. Porque a plena participación da muller na vida política, civil, económica, social e cultural en condicións de igualdade e a erradicación de todas as formas de discriminación por razóns de sexo teñen que ser sempre obxectivos prioritarios de toda a sociedade.

Deste xeito súmome ao expresado neste vídeo das Xuventudes Socialistas e estou convencido de que este 8 de marzo, temos que celebrar todo o que queda por conseguir, porque froito do esforzo colectivo das mulleres do pasado e do presente, conseguíronse grandes avances, pero debemos ser conscientes de que aínda queda un longo camiño por percorrer. Temos que seguir dándolles todo o noso apoio na loita e defensa do feminismo, da Igualdade e dos dereitos das mulleres.

Xuntos temos que seguir traballando para conseguir a Igualdade efectiva entre as mulleres e os homes en tódolos ámbitos. Para que isto sexa unha realidade hai que seguir traballando neste camiño da Igualdade, algo ao que sen dúbida entre todos e todas chegaremos. Porque levamos 100 anos reivindicando a Igualdade e e avanzando moito. Levamos 100 anos celebrando este Día e neste 8 de marzo celebramos todo o que queda por conseguir.

Agradecemento ao Concello de Lugo

2011-02-18T18:14:00.000+01:00

Dende a Asociación Veciñal de Tirimol organizamos onte no Centro Social un acto de agradecemento ao Concello de Lugo pola mellora do alumeado público da parroquia, no que participaron o Alcalde de Lugo, José López Orozco, o Concelleiro de Medio Ambiente e Zona Rural, Lino González Dopeso, a Concelleira de Servizos Xerais, Luisa Zarzuela, os membros da Xunta Directiva da Asociación e veciños e veciñas da parroquia.

O último proxecto de mellora do alumeado público que levou a cabo o Concello de Lugo consistiu na instalación de 11 puntos de luz nun camiño da parroquia moi transitado polos veciños, o que supuxo unha importante inversión por parte da Concellería de Medio Ambiente e Zona Rural. Este proxecto é moi beneficioso para a parroquia de Tirimol, porque o camiño no que se puxeron os puntos de luz é moi utilizado polos veciños que van a coller o bus urbano á última parada que ten en Ramil.

Proxectos como este demostran o traballo que realizamos dende a nosa Asociación e dende o Equipo de Goberno do Concello de Lugo para mellorar a calidade de vida dos veciños e veciñas que vivimos na parroquia de Tirimol. O que demostra o noso compromiso con Tirimol e co seu progreso e desenvolvemento. Unha tarefa na que continuaremos a traballar xuntos, para que a nosa parroquia siga mellorando.

Loco por Lugo

2011-02-14T21:14:00.003+01:00

O noso Alcalde, Pepe Orozco, ante a necesidade de proclamar o seu amor por Lugo, aproveitou este día tan sinalado, o día dos Namorados, para escribirlle unha carta de amor a cidade pola que se desvive e a que quere con locura.

A carta podédela ler completa no seu Videoblog e tamén ver o vídeo no que o Alcalde nos conta que ten unha locura pola cidade de Lugo, que o fai traballar e lle dá ilusión e ganas e lle fai entregarse día a día a este fermoso traballo, que comparte con todos nós, para animarmos a que todos xuntos traballemos por Lugo.

Estas son as frases que lle adica o Alcalde á nosa cidade: "Lugo QUÉROTE e por ti traballo, desvívome e preocúpome pero tamén desfruto polas túas rúas e coa túa xente". E se todos traballamos nesta dirección, conseguiremos solucionar os problemas que temos.

Así que eu quero sumarme a estas verbas do Alcalde, dicindo que eu tamén estou LOCO POR LUGO.

Se como o Alcalde e coma min, estás loc@ pola túa cidade, anímote a que inclúas algunha destas imaxes no teu perfil e axiña seremos centos de lucenses namorados por Lugo.

Un Alcalde implicado coas novas tecnoloxías e co rural

2011-02-01T19:16:00.002+01:00

O Alcalde de Lugo, José López Orozco, e a Concelleira de Servizos Xerais, Luisa Zarzuela, entregáronlles, o pasado venres 28 de xaneiro, os diplomas ás persoas que asistiron ao curso que se impartiu no Telecentro Rural de San Xoán do Campo e que organizou o Concello lucense dentro do Proxecto PARNET-tic.

Tamén o Alcalde de Lugo, José López Orozco, mantivo onte o seu encontro dixital mensual cos internautas e coas persoas que asisten ao curso que se imparte no Telecentro Rural de Santa María de Bóveda, que lle puideron formular ao Alcalde todas as preguntas que creron convintes dende o propio Telecentro.

Estes actos tiveron lugar nos propios telecentros rurais, que están situados nos Centros de Dinamización Social destas dúas parroquias e asistiron unha vintena de alumnos a cada actividade. Nestes cursos participaron veciños de San Xoán do Campo e de Santa María de Bóveda, así como de varias parroquias próximas.

Os cursos están incluídos no Proxecto europeo PARNET-tic, que é un proxecto destinado ao fomento da sociedade da información nos territorios rurais, fomentando o acceso ás infraestruturas da comunicación e á sociedade da información. Este proxecto intégrase no programa de cooperación territorial "Espazo Sudoeste 2007-2013" da Unión Europea.

O Plan Lugo Emprega

2011-01-24T17:12:00.001+01:00

O Plan de Emprego Provincial Lugo Emprega ten como obxectivo principal reducir a taxa de desemprego na provincia. Consiste na cooperación da Deputación de Lugo cos Concellos con dous obxectivos. En primeiro lugar, o de mitigar as necesidades económicas dos desempregados da provincia e favorecer a súa conexión co mercado laboral. E tamén vai contribuír a contrarrestar a diminución de ingresos que están a sufrir os Concellos.

Con este Plan a Deputación de Lugo reducirá o número de parados na provincia e aumentará a cooperación cos Concellos. Esta ambiciosa iniciativa está dotada con 8 millóns de euros, e que dará traballo a máis setecentos desempregados de todos os municipios de Lugo durante 6 meses.

O Presidente da Deputación de Lugo, José Ramón Gómez Besteiro, dixo que é unha boa noticia para 2011 para a redución do desemprego e cooperar cos Concellos, que son os motores da provincia. É un Plan que pola súa cuantía e ambición non ten precedentes en Galicia, e resposta ós retos do Presuposto deste ano. É unha aposta forte e decidida coa que a Deputación dá un paso ó frente para solucionar un problema tan importante como é o desemprego.

O Concello de Lugo poderá contratar 62 desempregados durante seis meses grazas ós preto de 800.000 euros que recibirá do Plan Lugo Emprega. Os postos de traballo serán 42 de peóns, 5 de auxiliares administrativos, 4 de ordenanzas, 3 de técnicos medios, 3 de dinamizadores, 3 de especialistas informáticos e 2 de delineantes.

Iniciativas coma esta demostran que tanto o Concello de Lugo como a Deputación, malia non ter competencias en materia de emprego, colaboran para tratar de paliar o problema do desemprego, porque comparten a principal preocupación que teñen neste momento os veciños.

O prazo de presentación de solicitudes no Concello de Lugo estará aberto dende hoxe luns, día 24 de xaneiro, ata o próximo venres, día 28 de xaneiro. As bases da convocatoria e o impreso de solicitude pódense consultar na páxina web do Concello de Lugo.

Tomadura de pelo aos gandeiros

2011-01-13T16:08:00.003+01:00

Como Presidente de AgrupaLugo veño de criticar o total abandono ao que a Xunta de Galicia está a someter o seu compromiso coa banda ancha no medio rural de Lugo, xa que pesar de ser a Xunta quen ten a competencia nesta materia, o Goberno galego non se preocupa por levar Internet ao rural.

Son xa decenas os gandeiros que nos fixeron chegar as súas queixas sobre o funcionamento do sistema de identificación, rexistro e control das explotacións gandeiras que vén de instaurar a Xunta de Galicia, e que se fai a través de Internet, xa que a inmensa maioría destes colectivos aínda non dispoñen de acceso a Internet, non podendo pois acceder a este sistema, a Xunta continúa con este sistema de traballo a poñer "o carro diante dos bois".

Ademais a aplicación informática aínda non está correctamente operativa, dando sistematicamente problemas no seu uso. Isto fai que os gandeiros que poden acceder a Internet vense obrigados a chamar ao 012, para poder solucionar as incidencias, xa que a Xunta non ofrece vías de atención directa que non impliquen custe económico para os gandeiros, que se vén obrigados a pagar do seu peto os erros da Xunta.

Dende AgrupaLugo queremos esixirlle á Xunta de Galicia que garantice a igualdade de toda a cidadanía de acceso aos dereitos e aos mesmos servizos, e solicitámoslle á Xunta que cumpra o seu compromiso de levar a banda ancha ao rural, ademais de completalo coa realización de xornadas formativas, para explicarlles aos gandeiros como teñen que utilizar a nova aplicación informática. Así mesmo, tamén solicitamos que se poida contactar co 012 a través dun número de teléfono convencional.

Pódese ver a noticia nesta páxina.

3 anos co blog e 150 posts

2011-01-07T16:18:00.002+01:00

Hoxe fai tres anos que comecei a escribir no meu blog e este é xa o post número 150 que escribo neste espazo persoal, no que comparto con vos as miñas vivencias e as miñas opinións sobre distintos temas. Pretendendo que este espazo sexa unha fiestra aberta ao mundo, coa que poder compartir as miñas opinións sobre distintos temas e escoitar a opinión dos lectores.

Quero celebrar que xa levo 3 anos con este blog e escritos 150 comentarios, escribindo e publicando este post. E quero comezar cunhas verbas de felicitación para todos e todas, desexándovos que pasedes un próspero 2011 e recibide os meus mellores desexos para este novo ano.

Cando fai uns días que comezou o ano 2011, sigo escribindo neste blog dende fai tres anos con todas as forzas e a ilusión, como o primeiro día que o comecei. Dende aquel día moitas cousas pasaron, algunhas das cales fun compartindo con vos neste espazo.

No ano 2011 cúmprese o décimo aniversario do Ano Internacional do Voluntariado, motivo polo cal o Centro Europeo do Voluntariado declarou este ano como Ano Europeo do Voluntariado. O 2011 tamén foi declarado pola ONU como o Ano Internacional dos Bosques.

E teño o presentimento de que este será un gran ano, porque nos traerá boas novas e importantes acontecementos, que nos axudarán a mellorar e ese é o meu desexo para o 2011. De seguro que neste novo ano que comezou fai uns días me esperan moitos máis momentos que vivir. O 2011 acaba só de comezar e quédame moito máis que compartir con vos no meu blog.

Boas Festas e Feliz 2011

2010-12-22T17:11:00.001+01:00

Para ampliar a postal hai que premer na imaxe.

Con esta postal quero desexarvos a todos e todas unhas Boas Festas e un Feliz 2011, agardando que o novo ano veña cargado de ilusión, felicidade e prosperidade. A imaxe da postal é dun atardecer dende o adarve da Muralla de Lugo.

Un ano máis dende o meu blog escribo para compartir con vos as miñas opinións sobre distintos temas e escoitar a vosa opinión como lectores. E agardo que no 2011 sigades visitando e participando neste blog.

Eu volverei a estar con vos no meu blog con todas as forzas e a ilusión no ano novo despois destas festas. Ata entón pasádeo moi ben e que sexades moi felices!

A Xunta non leva Internet ao rural

2010-12-17T22:43:00.009+01:00

A Xunta de Galicia está a esquecerse totalmente da súa competencia de despregar a banda ancha no medio rural de Lugo. A pesar de que é a Xunta quen ten competencia nesta materia, o Concello de Lugo está a facer o esforzo de levar Internet ó rural, porque non o fai o Goberno galego.

Ademais dende a Concellería de Servizos Xerais do Concello de Lugo estamos a levar a cabo unha interesante iniciativa, para achegar as novas tecnoloxías ás zonas rurais de Lugo. Unha iniciativa que realizamos con actividades formativas, que teñen lugar nos telecentros das parroquias da zona rural do municipio, e están incluídas no Proxecto europeo PARNET-tic.

E mentres eu me pregunto onde están os 232 millóns de euros que Feijóo dixo que vai dedicar, para que o 94% dos galegos teñan acceso á banda ancha no ano 2013 e encima dixo que é urxente, e na provincia de Lugo a porcentaxe será aínda máis baixa, do 86%. Por desgraza o que nos indican os datos é que quen ten a competencia nesta materia, que é a Xunta, non está a realizar o traballo que lle corresponde.

E aínda é peor que a Xunta está a prexudicar gravemente aos gandeiros galegos, porque recentemente acaba de establecer un novo sistema de identificación, rexistro e control das explotacións gandeiras, que se fai a través de Internet. Cando a inmensa maioría dos gandeiros galegos se están a queixar, porque non dispoñen de acceso a Internet e non poden acceder a este sistema, a Xunta continúa con este disparate, porque está a poñer o carro diante dos bois.

Aínda así, o Concello de Lugo quere que todos os veciños e veciñas sexan iguais e teñan os mesmos servizos, por iso está facendo un esforzo neste tema e xa son 8 os telecentros que dispoñen de wifi e está adxudicada a instalación noutros 13, co que serán 21 os que dispoñan do servizo por iniciativa deste Concello, con cartos do Concello e coa segunda fase do Plan E e mentres eu me pregunto: onde está a Xunta?

A xestión dos residuos en Tirimol

2010-12-06T17:52:00.003+01:00

Dende a Asociación Veciñal de Tirimol, en colaboración co Concello de Lugo, levaremos a cabo unha campaña para mellorar a xestión dos residuos domésticos e de fomento da reciclaxe entre os veciños e veciñas da parroquia, baixo o lema “Ter Tirimol limpo é cousa de todos, colabora”. Esta campaña persigue garantir a conservación medioambiental da parroquia e do seu contorno, mellorando desde xeito a calidade de vida dos veciños e veciñas de Tirimol.

Co obxecto de facilitar unha maior información aos veciños de como poden reciclar os distintos residuos que se xeran nos seus fogares, dende a Asociación Veciñal de Tirimol, contando coa colaboración da Concellería de Medio Ambiente e Zona Rural do Concello de Lugo, editamos unha folla informativa sobre a xestión do lixo en Tirimol. A folla informativa, da que realizamos máis de cen exemplares, repartirase a tódolos veciños de Tirimol, para que estas prácticas sexan tidas en conta nos seus fogares ou ben na súa actividade laboral.

A campaña de sensibilización está encamiñada a unha maior concienciación da cidadanía co tema dos residuos. Esta preocupación polo maior coñecemento da xestión dos residuos en Tirimol foi unha iniciativa da Asociación Veciñal de Tirimol, que contou co apoio da Concellería de Medio Ambiente e Zona Rural do Concello de Lugo, materializándose nesta campaña informativa, que ten como obxectivo principal, fomentar a recollida selectiva e a correcta xestión dos residuos nos fogares.

Por estes motivos nesta folla infórmase de que o Concello de Lugo pon a disposición dos veciños distintos contedores para depositalo lixo en Tirimol. Hai un Punto Verde situado no Campo Público de Seivane (preto da Igrexa Parroquial). Este Punto dispón dos seguintes contedores: amarelo, azul, verde e gris. Neste lugar realízase a recollida selectiva do lixo. Tamén hai varios contedores amarelos, distribuídos por distintos lugares da parroquia. E hai máis de 40 contedores grises, que están distribuídos por toda a parroquia. Ademais recentemente instaláronse papeleiras no Campo da Festa (situado na Pista Polideportiva) e un contedor para uso do Centro Social, para mellorar a limpeza nestas instalacións veciñais. E tamén se poñen contedores para festas, que son postos durante os días que se celebran as distintas festas na parroquia.

A continuación podes descargar o ducumento: folla informativa da campaña.

10 anos como Patrimonio Mundial

2010-11-30T16:48:00.000+01:00

Hoxe celebramos o décimo aniversario da proclamación da Muralla de Lugo como Patrimonio Mundial. Foi o 30 de novembro do 2000 cando tivo lugar un dos momentos máis importantes da historia moderna de Lugo: a concesión pola UNESCO do título de Patrimonio Mundial á Muralla Romana de Lugo. Esta distinción marcou un antes e un despois na forma de pensar dos lucenses, na autoestima e o orgullo dunha sociedade que avanzaba cara o século XXI.

Cúmprense 10 anos dese gran día, e queremos recuperar ese espírito de traballo en equipo, solidario e autoesixente, que naceu na cidade de Lugo. Con ese obxectivo naceu Lugo10, que representa a esa cidade dez, que avanza, que se moderniza, pero que mira cara atrás con orgullo. Lugo conta cunha poboación estraordinaria, sobresaínte, de 10, que recibe ao que chega sempre cos brazos abertos.

Lugo ten un potencial extraordinario en materia cultural, artística deportiva, histórica… Trátase dunha cidade bimilenaria que, entre outras cosas, conserva íntegro un monumento defensivo da que foi unha das capitais máis importantes do noroeste peninsular.

Este está sendo o ano de Lugo, o ano dos lucenses, o ano da Muralla, o símbolo cultural que une e reúne a todos e todas.

A nosa Muralla é 10, Lugo é 10!

Contra a violencia de xénero

2010-11-25T16:28:00.002+01:00

Hoxe, 25 de novembro, é o Día Internacional para a eliminación da violencia de xénero e no que vai de ano, 64 mulleres e 4 nenos e nenas foron asasinados pola violencia machista. E calcúlase que, aproximadamente, 800.000 nenos sofren, na súa contorna e con gran intensidade, a violencia de xénero. Estes menores necesitan unha protección especial e o apoio de toda a cidadanía para saír da espiral de violencia que sofren, sufriron ou sufrirán.

Desde o convencemento de que hoxe máis que nunca é necesaria a complicidade de todos os homes e mulleres deste país para loitar contra esta violencia. As mulleres maltratadas e os seus fillos e fillas teñen que sentir que teñen todo o noso apoio e que toda a sociedade está loitando para que estes malos tratos e estes asasinatos rematen, para que os covardes dos seus maltratadores deixen vivir a estas mulleres.

Pero esta tarefa non pode realizarse nun só día, senón que nos 365 días do ano temos que estar xunto a elas, porque nos necesitan e porque non consentimos que sexan maltratadas baixo ningún concepto e menos por ser mulleres. Porque co esforzo e compromiso de todos e todas conseguiremos erradicar a violencia de xénero.

E ademais disto temos que seguir traballando para conseguir a igualdade efectiva entre as mulleres e os homes en tódolos ámbitos. Porque tódalas persoas teñen dereito a unha vida digna, sen malos tratos e a unha igualdade de oportunidades. Para que isto sexa unha realidade hai que seguir traballando xuntos neste camiño da Igualdade, algo ao que sen dúbida entre todos e todas chegaremos.

Con Orozco máis Lugo

2010-11-16T16:12:00.002+01:00

A transformación que está a vivir Lugo non sería posible se non tivéramos un Alcalde como o que temos, que ten a mesma ilusión e as mesmas ganas de traballar por Lugo como o primeiro día. Orozco é un político cercano, que está preto da cidadanía e dos seus problemas. Traballa con forza e ilusión por un Lugo igualitario e moderno, na cidade e na zona rural.

Porque temos un Alcalde que é un firme defensor de buscar a igualdade entre os veciños e veciñas, independentemente do lugar no que vivamos. Por iso este é un proxecto imparable, no que contamos e participamos todos e todas e do que nos sentimos orgullosos como lucenses.

Con Orozco hai un proxecto de cidade iniciado hai once anos que continúa, porque así o quixemos os lucenses, e que levou á modernización, mellora e cambio deste Concello como nunca se deu no seno do mesmo. E isto é algo evidente, aínda que por moito que o intente a oposición, a realidade de Lugo non se pode negar, porque a vemos tódolos días os cidadáns.

Hai importantes obras que están comezadas tanto na zona rural como na zona urbana que responden a ese espírito de modernización e de igualación dos veciños vivan onde vivan. Aínda quedan cousas por facer, como recoñeceu o Alcalde, así que podemos e debemos seguir nesta dirección que nos fai avanzar cara diante.

Con Orozco temos garantía de que Lugo seguirá avanzando, porque cre no seu potencial. Con Orozco teremos máis Lugo.

Ludus Party 2010

2010-11-10T18:39:00.003+01:00

A Ludus Party 2010 xa está aquí!!! Celebrarase os días 26, 27 e 28 de novembro no Pavillón Municipal da Casa do Deporte, situado no Complexo Deportivo de Frigsa, na avda. Duquesa de Lugo, s/n. Esta será a cuarta edición da Ludus Party, que está organizada polo Concello de Lugo, en colaboración coa Deputación de Lugo.

Este novo encontro reunirá durante tres días centos de participantes cos seus equipos informáticos procedentes de toda España, co fin de compartir inquedanzas, intercambiar experiencias e realizar infinidade de actividades relacionadas coas novas tecnoloxías.

Xa está aberto o prazo de inscrición para participar neste evento tecnolóxico. As inscricións poden facerse a través da páxina web da Ludus Party 2010. Haberá un total de 250 entradas, que terán un prezo de 25 euros. Os menores de idade deberán ter a correspondente autorización.

Como en anteriores edicións, haberá un espazo destinado ao público en xeral, que contará con varios equipos informáticos e con monitores que lles axudarán a achegarse ás novas tecnoloxías e a descubrir a gran cantidade de vantaxes que ofrecen. Ademais as persoas asistentes poderán optar a conseguir varios agasallos.

Este espazo estará na @ da Deputación, que é unha aula pioneira itinerante de formación de 230 metros cadrados, cor vermella e forma de @. A carpa formativa da @ é un espazo formativo-lúdico de acceso libre no que os participantes somerxeranse na administración electrónica e novas tecnoloxías mediante obradoiros, xogos, sorteos, agasallos e mesmo simuladores de última xeración.

Polo que vos animo a participar na Ludus Party, ou a visitar a carpa da @.

This is the Ludus!!!

Un cemiterio de interese histórico

2010-11-04T20:39:00.004+01:00

O Cemiterio Municipal de Lugo, chamado Cemiterio de San Froilán, foi inaugurado en 1948. A obra, dirixida por Ruperto Sánchez, fíxose seguindo as liñas xerais do proxecto de Eloi Maquieira, un dos principais representantes da arquitectura racionalista en Galicia. Posteriormente foron trasladados aquí algúns panteóns e monumentos funerarios procedentes do antigo que data de 1858.

Nestes panteóns domina o estilo historicista que impuxera en Lugo o arquitecto Nemesio Cobreros. É tamén moi notable a cruz dedicada aos soldados das guerras de Cuba e Filipinas. Nos últimos anos realizáronse importantes obras, entre as que destaca o Xardín das Lembranzas. Milleiros de mortos xacen neste cemiterio, entre eles persoeiros ilustres que forma parte da memoria da cidade. Entre os persoeiros ilustres que descansan nel figuran Xoán Montes, Luis Pimentel, Ánxel Fole, Celestino Fernández de la Vega e Uxío Novoneyra.

Neste ano o Concello de Lugo deu un paso moi importante de cara á integración do cemiterio na vida social da cidade, coa organización de visitas históricas, buscando unha dimensión distinta do recinto que se proxecta á cidadanía como un lugar de repouso, de paz, de encontro persoal onde podemos descubrindo os seus recunchos a medida na que accedemos ao noso mundo interior.

Por todo isto recoméndovos que participedes nesta interesante iniciativa da Concellería de Servizos Xerais do Concello de Lugo e que descubrades a historia do Cemiterio Municipal de San Froilán. E quero rematar poñendo a continuación este fermoso poema, que podemos ler neste Cemiterio:

Podes chorar porque se foi,
ou podes sorrir porque viviu.

Podes pechar os ollos e rezar para que volva,
ou podes abrilos e ver todo o que deixou.

O teu corazón pode sentirse baleiro porque non a podes ver,
ou pode estar cheo do amor que compartistes.

Podes chorar, pechar a mente,
sentir o baleiro e virarlle as costas,
ou podes facer o que a ela lle gustaría:
sorrir, abrir os ollos, amar e seguir.

Anónimo

Isto é austeridade?

2010-10-20T21:33:00.001+02:00

Xa levo varias ocasións nas que me fago a seguinte pregunta: isto é austeridade? Onte volvín a facerme esa pregunta ao ler nun xornal que a Xunta de Galicia pagou máis de 4 millóns de euros a microsoft e que renunciou ao 'software' libre. Esta licitación contradí a promesa electoral de Feijóo de que o seu goberno apostaría polo software libre, que sería gratuíto, sen caducidade e con versión en galego, uns elementos dos que carece microsoft. Outros momentos nos que me fixen esa pregunta foron ao saber que dende a Xunta se van a gastar 500 millóns na Cidade da Cultura, ou que a visita do Papa nos vai a custar a tódolos galegos máis de 3 millóns de euros.

O que chama máis a atención é que se gaste esa cantidade de diñeiro na visita do Papa a Santiago por parte do Xacobeo e, en cambio, para un evento cultural tan importante, como son as Festas do San Froilán de Lugo, case non contaron co apoio económico do Xacobeo. O que demostra que para o goberno do Sr. Feijóo é máis prioritario a visita do Papa ou a Cidade da Cultura, que colaborar nas Festas do San Froilán, declaradas como Festa de Interese Turístico Galego e Fiesta de Interés Turistico Nacional.

Pero aínda é peor que para a Xunta de Galicia non sexan unha prioridade as políticas sociais, por exemplo, é especialmente destacable que o goberno do PP decidira suprimir o servizo de transporte nocturno para a mocidade, coñecido como "NoiteBús". Aínda que as cifras de utilización de NoiteBús consolidárono progresivamente como alternativa segura e real ao emprego do vehículo privado nos desprazamentos nocturnos a zonas de ocio e, sobre todo, como unha medida de mellora a seguridade viaria. Deste xeito, parece que á Xunta non lle importa a seguridade da xuventude nos desprazamentos nocturnos.

A miña pregunta é como se lle pode chamar austeridade a gastar grandes cantidades de diñeiro público na Cidade da Cultura, ou na visita do Papa a Santiago e a suprimir servizos que contribúen ao benestar social en xeral.

Unha boa nova para AGRUPALUGO

2010-10-13T22:36:00.000+02:00

Dende a “Agrupación de Asociacións de Veciños de Lugo AGRUPALUGO” queremos amosar a nosa satisfacción porque esta tarde a Cooperativa Moega fora premiada polo Ministerio de Medio Ambiente e Medio Rural e Mariño co Premio de Excelencia á Innovación para Mulleres Rurais. Trátase dunha Cooperativa de Traballo Asociado, para fomentar o emprego e achegar servizos sociais ao medio rural. Esta cooperativa foi posible porque traballadoras e traballadores de Centros de Dinamización Social do rural do concello de Lugo uníronse para crear “Moega Sociedade Cooperativa Galega”, a iniciativa da Asociación Cultural, Xuvenil e Veciñal “O Castro” de Coeses.

Como Presidente de AGRUPALUGO, podo indicar que para a entidade que represento trátase dunha moi boa nova, posto que AGRUPALUGO apoiou esta candidatura, que foi froito dun proxecto dunha asociación que forma parte da Agrupación. Dende AGRUPALUGO queremos felicitar ás compañeiras e compañeiros que traballaron para que este proxecto se puidera levar a cabo. Para esta Agrupación iniciativas como esta son unha boa mostra do traballo que estamos a realizar polo desenvolvemento da zona rural.

A Ministra de Medio Ambiente e Medio Rural e Mariño, Elena Espinosa, entregou este mércores, 13 de outubro, os 20 galardóns da I edición dos Premios de Excelencia á Innovación para Mulleres Rurais, no marco da celebración do Día Internacional da Muller Rural, que se celebra o 15 de outubro. O Ministerio publicou no Boletín Oficial do Estado do 6 de outubro a relación de galardoados. Por parte da Cooperativa Moega o premio recolleuno a compañeira Mary Paz de la Fuente, Presidenta da Asociación Cultural, Xuvenil e Veciñal “O Castro” de Coeses.

O obxecto destes premios é distinguir iniciativas orixinais e innovadoras, que apliquen modelos de negocio baseados na xestión sostible dos recursos rurais. Nos proxectos que foron distinguidos nesta primeira edición, un total de vinte, ponse de manifesto a potencialidade da muller como axente desenvolvedor do medio rural a través da súa participación no mercado laboral. Esta situación implica unha maior independencia económica, ademais da visibilización e o recoñecemento das achegas das mulleres á sociedade en todos os ámbitos, avanzando así na igualdade efectiva entre homes e mulleres.

Estes proxectos deben servir para explorar novos depósitos de emprego ou para responder ás necesidades das mulleres no medio rural. Todo iso, co fin de contribuír ao desenvolvemento sostible do medio rural. A cantidade asignada nos Premios de Excelencia para mulleres rurais en 2010 ascende a 500.000,00 euros, repartidos en 20 premios de 25.000,00 euros cada un, para proxectos relacionados coas axudas para a dependencia e a educación infantil ata a agroalimentación, os cosméticos e a consultoría ambiental.

Comeza o San Froilán 2010

2010-10-04T16:28:00.001+02:00

Dende hoxe día 4 e ata o 12 de outubro Lugo está de festa, porque celebramos as festas do San Froilán. Durante estes nove días os lucenses e os que nos visiten poderemos participar nun amplo programa festivo, con actividades para tódolos gustos. Trátase dunhas festas que conxugan a tradición coa modernidade, declaradas como Festa de Interese Turístico Galego e Fiesta de Interés Turistico Nacional.

Estas festas están organizadas polo Concello de Lugo e permítennos disfrutar de moitas actividades, como asistir a concertos, dar unha volta polo recinto feiral, ver competicións deportivas, comer o polbo á feira nas casetas, todos eles uns elementos que non poden faltar no San Froilán. E os máis pequenos teñen o San Froilanciño cunha morea de actividades para eles. Así que como lucense invítovos a todos e a todas a que veñades a Lugo a gozar destas festas.

As festas do San Froilán 2010 teñen de especial que neste ano celebramos o décimo aniversario da proclamación da Muralla de Lugo como Patrimonio Mundial, polo que se está a levar a cabo o programa Lugo10. Os lucenses estamos orgullosos da nosa cidade, e este ano máis ca nunca abriremos con ledicia as dez portas da Muralla aos milleiros de persoas que nos visiten durante as festas.

Que o pasemos moi ben e que todos e todas teñamos unhas felices festas!

Formación nos Telecentros

2010-09-28T21:39:00.001+02:00

A Concelleira de Servizos Xerais do Concello de Lugo, Luisa Zarzuela, presentou unha iniciativa para achegar as novas tecnoloxías ás zonas rurais de Lugo. As actividades terán lugar nas parroquias da zona rural do municipio, e están incluídas no Proxecto europeo PARNET-tic.

PARNET-tic é un proxecto destinado ao fomento da sociedade da información nos territorios rurais, fomentando o acceso ás infraestruturas da comunicación e a sociedade da información. Este proxecto intégrase no programa de cooperación territorial “Espacio Sudoeste 2007-2013” da Unión Europea.

Son actividades dirixidas a toda a poboación, pero sobre todo á xente máis maior que quere pedir cita no médico, solicitar un certificado no Padrón ou visitar un museo. O programa formativo ten como obxectivo iniciar aos usuarios tanto no manexo dos sistemas operativos e de certas aplicacións convencionais, como o uso de Internet e das novas tecnoloxías aplicadas ao uso cotián. Está dividido en dúas partes, unha sobre a iniciación ao mundo da informática e outra sobre a navegación por Internet.

Á xente maior interésalles as novas tecnoloxías. Por exemplo na cidade as actividades no Telecentro do Castiñeiro teñen moitísimo éxito, xa que os 15 ordenadores sempre están ocupados. Os obxectivos deste telecentro son formar os usuarios de coñecementos básicos para utilizar un ordenador, así como crear habilidades na navegación por Internet e a comunicación mediante o correo electrónico.

As actividades formativas no rural terán lugar na Rede de Telecentros Rurais: Calde, Coeses, Castelo, San Pedro de Mera, Santa Comba, San Xoán do Campo, Santa María de Bóveda e O Veral. A programación levarase a cabo dende o 28 de setembro ata o 27 de xaneiro, tódolos martes e xoves dende as 18.00 horas ata as 19.30 horas.

Hoxe comezamos coa programación formativa nos Telecentros Rurais de Calde e Coeses e estou moi contento pola boa acollida que tivemos entre os veciños. E dende o meu blog animo a tódolos lucenses a participar nas distintas actividades que organizamos dende o Concello de Lugo nos distintos telecentros municipais da zona rural e da cidade.

Para máis información no teléfono 010 do Concello ou na web www.lugo.es.

Debate sobre o estado do Concello

2010-09-21T19:23:00.003+02:00

Onte tivo lugar no Salón de Plenos do Concello de Lugo o Debate sobre o estado do Concello. Na súa intervención o Alcalde destacou que hai un proxecto de cidade iniciado hai once anos que continúa, porque así o quixemos os lucenses, e que levou á modernización, mellora e cambio deste Concello como nunca se deu no seno do mesmo. E isto é algo evidente, aínda que por moito que o intente a oposición, a realidade de Lugo non se pode negar, porque a vemos tódolos días os cidadáns e ben sabemos que as verbas do Alcalde de Lugo son certas.

Estamos case ao final do actual mandato e este proxecto non se para e continua o progreso de Lugo. Porque esa é a finalidade e o norte das políticas desenvolvidas: un cambio profundo no eido social sen esquecer nunca aos que más o necesitan; un cambio da vida cultural porque Lugo está á altura das cidades das súas características; un cambio no eido deportivo no que as instalacións deportivas nada teñen que ver coas que había antes de 1999; un cambio no coñecemento e promoción da cidade e por iso no aumento paulatino de turistas que estamos a vivir; un cambio no desenvolvemento urbanístico que levou a que barrios enteiros ofrezan un aspecto totalmente distinto o que tiñan.

Un cambio nas dotacións e nos equipamentos, tanto na zona urbana como na zona rural; un cambio nas infraestructuras viarias e medioambientais que fan da nosa cidade e da zona rural un modelo a seguir; un cambio na preocupación e deseño na colaboración na educación por parte do Concello de Lugo; un cambio na atención as persoas en paro cos continuos programas de reinserción laboral e promocións de políticas emprendedoras do Concello; un cambio constante na apertura da administración municipal aos veciños, tanto da zona urbana como rural, facendo que cheguen as novas tecnoloxías; un cambio que fixo da cidade de Lugo unha das cidades máis seguras de España...

Uns cambios que transformaron ao Concello e que a preparou para afrontar os riscos do futuro, con prudencia pero sen temor. E temos un Goberno Municipal socialista que está á altura das circunstancias polo ben de Lugo. Hai outras obras que están comezadas tanto na zona rural como na zona urbana que responden a ese espírito de modernización e de igualación dos veciños vivan onde vivan. Aínda quedan moitas cousas por facer, como recoñeceu o Alcalde, así que podemos e debemos seguir nesta dirección que nos fai avanzar cara diante.

Os de Lugo somos así

2010-09-16T18:48:00.005+02:00

Lugo 10 poñerá en marcha unha campaña co lema “Os de Lugo somos así”. O Concello de Lugo presentou esta campaña que difundirá mensaxes sobre os atractivos de Lugo e o carácter dos lucenses tamén en Santiago de Compostela. A campaña comezará este mes de setembro e rematará o 30 de novembro, co peche do programa conmemorativo do décimo aniversario da declaración da Muralla como Patrimonio Mundial.

Mensaxes que describen aspectos da cidade e do xeito de ser dos lucenses: somos hospitalarios, amigos dos nosos amigos, encántanos as tapas, desfrutar das festas, temos un patrimonio marabilloso e unha historia cun valor incalculable, góstanos a natureza, o deporte… todas esas ideas conclúen no slogan: Os de Lugo somos así.

Tamén quero aproveitar para recomendarvos que participedes no concurso organizado por Lugo10 para todos os amigos en Facebook, Twitter e redes sociais, no que hai en xogo estupendos regalos e sobre todo, o prestixio de ser o creador dun slogan que levaremos por bandeira. O único que tes que facer é ler as bases con atención e deixar un comentario coa túa proposta de slogan para Lugo 10.

Porque nos gusta Lugo, porque hai que celebrar estes dez anos do nomeamento da Muralla como Patrimonio Mundial. Porque estamos orgullosos da nosa terra, da nosa cultura, do noso patrimonio, da nosa gastronomía e a nosa forma de ser. Porque somos unha cidade 10. Queremos encontrar entre todos o mellor slogan para Lugo 10. Un slogan que se difundirá rapidamente entre todas e todos e que representará todo un emblema para Lugo.

Máis información sobre este concurso no Facebook de Lugo10.

Pacto Provincial polo Emprego

2010-09-06T19:54:00.004+02:00

Hoxe o Presidente da Deputación de Lugo, José Ramón Gómez Besteiro, propuxo aos alcaldes e técnicos municipais un pacto para crear 540 empregos nas profesións con máis futuro da provincia para o periodo 2010-2011. Unha importante iniciativa para os Concellos; que permite afrontar un ano difícil, no que hai menos recursos. Este programa busca formar aos desempregados e traballar en común.

Na xuntanza que tivo lugar na Deputación e na que participaron Alcaldes de técnicos de 58 Concellos, José Ramón Gómez Besteiro explicou o papel clave que terán os Concellos e fíxoos co-partícipes no Pacto Provincial polo Emprego, porque o obxectivo é conseguir que os máis de cincocentos desempregados de toda a provincia reciban formación especializada e que sirva para crear traballo en áreas que nada teñen nada que ver coa demanda de hai tres anos.

A Deputación e a Unión Europea farase cargo de tódolos custes económicos do programa, así como da organización e execución de cada paso, ademais da formación dos técnicos de emprego. O Pacto Provincial polo Emprego dispón de preto de 4 millóns de euros financiados pola Deputación nun 20% e o Fondo Social Europeo no 80% restante.

A formación comprenderá 45 cursos dirixidos a desempregados de todos os Concellos, excepto o de Lugo que, ó ter máis de 50.000 habitantes, conta co seu propio programa. En total suma máis de 15.000 horas de formación e 60.000 de prácticas en empresas. Ademais, os beneficiarios recibirán unha axuda económica tanto na formación como nas prácticas equivalente ó 75% do IPREM, é dicir, uns 400 euros mensuais.

Para máis información, pódese consultar a páxina do Pacto Provincial polo Emprego.

O rural achégase ás Novas Tecnoloxías

2010-08-25T16:23:00.002+02:00

A rede de Telecentros Rurais do Concello de Lugo consta na actualidade con oito sedes, situadas nas antigas escolas rurais de: Coeses, Calde, Castelo, O Veral, San Xoán do Campo, Santa María de Bóveda, Santa Comba e San Pedro de Mera. Estes telecentros están dotados coa última tecnoloxía, unha rede de banda ancha WiMAX/Wifi.

Ante a boa acollida dos veciños das zonas rurais lucenses, o Concello de Lugo está a ampliar esta rede de Telecentros con doce sedes máis; así os futuros telecentros estarían situados nas parroquias de: Adai, Barbaín, Bocamaos, O Burgo, Camoira, Pedreda, Poutomillos, Rubiás, Saá, San Xoán do Alto, Vilachá de Mera e Meilán.

Con esta iniciativa o Concello de Lugo pretende achegar aos veciños da zona rural de Lugo, o uso das Novas Tecnoloxías. Para lograr este labor configurouse o proxecto PARNET-TIC, un proxecto transfronteirizo para fomentar a sociedade de información, que contribuirá con interesantes actividades de diverso índole (informativas, formativas, lúdicas...) a mostrarlles aos cidadáns da zona rural lucense as vantaxes da utilización da tecnoloxía TIC nas súas prácticas diarias, así como achegar a administración electrónica (e-administración) aos máis de 3.685 veciños que se beneficiarán da devandita iniciativa.

Dentro do proxecto PARNET-TIC, dous titores TIC, seremos os encargados de fomentar a Sociedade da Información nos territorios rurais, fomentando o uso da e-administración e a e-participación. E podedes atopar máis información no cuarto número do boletín electrónico mensual de PARNET-TIC, que acabamos de publicar, onde dun xeito próximo, recollemos as actividades levadas a cabo polo Proxecto así como un breve adianto de eventos futuros e outro tipo de actos que poidan resultar de interese e que teñan que ver coa temática TIC e a Administración Pública.

Os cambios na Deputación

2010-08-23T19:46:00.003+02:00

Sen lugar a dúbidas, os cambios que se levan producido na Deputación de Lugo co actual equipo de goberno provincial, están transformando e mellorando a nosa provincia. Agora contamos cun Presidente da Deputación, José Ramón Gómez Besteiro, que traballa contando cos alcaldes e cos veciños de tódolos concellos da provincia, para resolver os problemas que lles afectan.

En tan só tres anos, a Deputación cumpriu o 98% do programa de goberno. Dos 11 puntos que se marcaron en xullo de 2007, dez deles están feitos. Eran os seguintes: impulsar a reformulación da Sociedade Urbanística Provincial, de xeito que hoxe SUPLUSA traballa non só en clave de polígonos senón tamén en dotacións sociais con retorno económico; promover a comparecencia regrada dos Presidentes das Deputacións no Parlamento Galego, algo tan normal pero que era extraordinario hai tres anos.

Tamén se está a coordinar políticas coa Xunta de Galicia nos ámbitos nos que a Comunidade Autónoma é titular de competencias, de tal xeito que se pasou de ser a única Deputación española que aínda mantiña hospitais a iniciar o proceso histórico de traspaso ó SERGAS e de ser a única provincia galega sen bombeiros a poñer en marcha o consorcio provincial de extinción de incendios.

Outros puntos cumpridos do acordo son: iniciar o proceso de compensación aos Concellos afectados polo canon enerxético, asunto no que a Deputación xa investiu 11 millóns de euros de acordo cos municipios afectados; cumprir coa Lei de Normalización Lingüística; impulsar unha nova política de selección de persoal; establecer como prioridade da Deputación a cooperación e asistencia aos Concellos con baremos obxectivos e impulsando as accións mancomunadas. Na actualidade, os programas de cooperación aforran aos Concellos preto de 78 millóns de euros.

Ademais, a Deputación foi a primeira Administración galega cun plan económico-financeiro, que lle permite manter a estabilidade económica e acadar a estabilidade financeira un ano antes da vixencia do plan. Agora os novos retos do organismo provincial, seguindo o primeiro Plan Estratéxico da provincia, están a ser as accións mancomunadas cos Concellos, a consolidación da administración electrónica, acadar o pacto polo campo e captar novos fondos europeos.

Unha estación intermodal para Lugo

2010-08-04T21:24:00.000+02:00

Esta mañá o Alcalde de Lugo, José López Orozco; o Ministro de Fomento, José Blanco; e o Conselleiro de Medio Ambiente, Agustín Hernández, asinaron o protocolo para a implantación dunha estación intermodal na cidade de Lugo. Na nova estación intermodal, que se situará na ubicación da actual estación de RENFE, integrarase a estación ferroviaria de alta velocidade cos demáis sistemas de transporte urbán e interurbán para facilitarlles aos usuarios o intercambio entre o ferrocarril e outros medios de transporte.

Na negociación para conseguir este importante acordo o Alcalde, defendendo os intereses de Lugo, conseguiu que se incorpore claramente que o pobo de Lugo non vai a ter que poñer nin un só euro, nin ceder e recalificar ningunha das parcelas do patrimonio municipal de solo que nada teñen que ver con estas actuacións. Polo que non lle custara nada ao Concello á reurbanización da zona na que se situará a nova estación intermodal, xa que o Ministerio de Fomento aportará o 50% e o outro 50% vaino aportar a Xunta. O Concello de Lugo só se terá que encargar da reurbanización dos actuais terreos da estación de autobuses, que son propiedade municipal.

Ademáis, o protocolo asinado hoxe, que respecta a ubicación estratéxica da actual estación ferroviaria de Lugo, establece a necesidade de optimizar recursos, integrando os servizos de hostalería, aparcamento, equipamentos de oficinas e comercias nas instalacións actuais cos previstos na remodelación futura. Para elo, aportaranse os recursos económicos necesarios.

Máis concretamente, o protocolo establece a remodelación do feixe de vías existente para a súa adaptación á chegada da alta velocidade e a construcción dun novo edificio de viaxeiros, que se integre no actual, así como a remodelación do conxunto de instalacións ferroviarias para favorecer a intermodalidade cos demáis sistemas de transporte. Deste xeito, como dixo o Alcalde, poderase facer realidade esta infraestrutura, que é moi importante para a modernización de Lugo.

Pepe Blanco responde

2010-07-23T18:26:00.001+02:00

Despois de ter a oportunidade de asistir como público ao programa "Blanco responde", recoméndovos ver estes dous vídeos que vos poño deste programa especial de Correo TV. Onde o Ministro de Fomento, José Blanco, responde ás preguntas de trinta cidadáns sobre distintos temas de actualidade. Así que agardo que estes vídeos sexan do voso interese.

Poderedes escoitar como importantes infraestruturas para Galicia están sendo unha realidade froito do traballo do Ministro de Fomento, José Blanco. Un home que dende o Ministerio de Fomento fixo posible que Galicia conte no mapa das infraestruturas. Deste xeito Pepe Blanco está tendo unha sensibilidade e adquiriu uns compromisos, que se están a materializar coa realización de proxectos necesarios para o avance de Galicia.

P.D.: Como estou de vacacións, vou a descansar uns días para volver con máis enerxías. Así que volverei a estar con vos no meu blog á volta. Ata entón pasádeo moi ben e que teñades un feliz verán!

A austeridade de Feijóo

2010-07-21T13:26:00.002+02:00

Un feito que me parece lamentable, é que dende que o PP asumiu fai máis dun ano o actual goberno da Xunta de Galicia non investiu nada en Tirimol, nin colaborou con outras entidades no desenvolvemento de proxectos para mellorar as condicións de vida dos veciños e veciñas. Dentro das competencias e responsabilidades da Xunta de Galicia está a de colaborar no desenvolvemento da zona rural, especialmente en momentos difíciles. Pero parece que o goberno da Xunta de Galicia está máis preocupado en practicar o que eles definen como unha política de "austeridade".

Dous exemplos ilustrativos desa "austeridade" que está a levar a cabo o goberno de Feijóo son os seguintes: "a Xunta de Galicia está disposta a investir en plena recesión económica máis de medio millón de euros para dotar de mobiliario a biblioteca do Gaiás" ou "o goberno de Feijoó gasta máis de 6 millóns de euros en vehículos novos en apenas nove meses". E vendo isto, pregúntome se esta é a "austeridade" que durante a campaña electoral dicía Feijóo que ía a practicar na Xunta de Galicia?

Esa falsa austeridade é froito da hipocresía e demagoxia que utiliza o PP e aos feitos me remito. E parece que por esa "austeridade" a Xunta considera que non ten que realizar actuacións en Tirimol, porque a mellora da calidade de vida dos veciños e veciñas que vivimos nesta parroquia non está entre unhas desas prioridades que ten o goberno de Feijoó. Dende logo, quenes integran este goberno deberían poñerse a traballar e cumprir coas responsabilidades que lles encomendaron os cidadáns, porque non se deberían esquecer de que a cidadanía será a que xulgue o que fixeron.

España gana o Mundial

2010-07-12T20:36:00.001+02:00

Xa fai uns días que non escribo no meu blog, porque por distintas cuestións non me quedaba moito tempo para facelo, así que teño varios temas dos que falarvos. Pero despois da vitoria de España onte no Mundial, non quero deixar pasar unha ocasión como esta, para falarvos deste importante acontecemento. Despois de tanto tempo que levábamos esperando este momento e foi este gran equipo deportivo e profesional quen o fixo posible!!!

Foi un Mundial moi ben xogado por España, que nos deu unha final apaixonante e unha vitoria merecidísima. Non foi unha tarefa fácil, pero foron quen de superar moitas dificultades polo camiño e facendo o seu xogo chegou o magnífico gol de Iniesta, que nos encheu de satisfacción a tantas persoas que tíñamos depositadas moitas esperanzas e ilusión neste gran equipo.

Grazas a este importante evento deportivo puidemos ver a moita xente unida por unha causa común, porque o xogo desta Selección Española foi quen de unirnos, de darnos autoestima, de darnos unha posibilidade de atopar unha bandeira común. Permitiunos disfrutar sentindo os colores e sentindo ese sentido de equipo.

Está claro que quen gañou foi o equipo formado por eses xogadores, os suplentes, o corpo técnico, o entrenador e a Federación Española de Fútbol, que nos fixeron sentirnos moi felices. Foi un equipo capaz de superar as dificultades, porque realizaron un excelente traballo e que contou co importantísimo apoio e ánimo de milleiros e milleiros de persoas, que confiábamos na nosa Selección.

Por todo isto dende o meu blog quero felicitalos a todos e darlles as grazas por todo o que conseguiron e que continúen os éxitos!!!

Arde Lvcvs

2010-06-25T21:32:00.004+02:00

O Arde Lucus MMX deu comezo oficialmente hoxe venres coa inauguración do Macellum -mercado- e do campamento dos forxadores ás cinco da tarde. Comezaron así os tres días de festa nos que se recreará o pasado romano da cidade de Lugo. Deste xeito do 25 ao 27 de xuño Lucus Augusti arderá de novo.

Moitas actividades, actuacións e espectáculos conforman o programa desta nova edición da festa Arde Lucus, que se celebrará desde este venres á tarde ata o domingo á noite e que está organizada polo Concello de Lugo.

Dende este momento a cidade comezará a vivir tres días de intensa actividade nos que lucenses e visitantes poderemos disfrutar coa recreación da historia, das tradicións e da cultura romana. E como lucense invítovos a todos e a todas a que veñades a Lugo, porque o pasaredes moi ben.

Festas de Tirimol 2010

2010-06-16T20:47:00.004+02:00

Os días 19, 20, 23 e 24 de xuño celebraránse as Festas Patronais de San Xoán de Tirimol. Este ano temos un programa moi completo, que conta con pasarrúas pola parroquia a cargo do Grupo Devandoira os días 19 e 20 ou a actuación do Orfeón Xoán Montes na Misa Solemne o día 20, entre outras moitas actividades. O presuposto que temos é de uns 9.000 euros aproximadamente. A festa facémola na Pista Polideportiva, que usamos como Campo da Festa e que está ao lado do Centro Social de Tirimol. Estas festas organizámolas dende a Xunta Directiva da Asociación de Veciños, Cultural e Deportiva de San Xoán de Tirimol.

Dende a Asociación de Veciños quixemos que o programa de festas fose variado, para que houbera actuacións para tódolos gustos. Porque desta maneira tódolos veciños e todos aqueles que nos visiten durante estes días poderán gozar destas festas. Ademais estades todos convidados a vir ás Festas de Tirimol, porque seguro que o pasaredes moi ben e vos divertiredes moito, porque a diversión está asegurada.

Deséxovos a tódolos meus veciños e a todos os que nos visitedes estes días que pasedes unhas BOAS FESTAS!

PROGRAMA:

Sábado, 19 de xuño:
Pasarrúas pola mañá a cargo do Grupo DEVANDOIRA
Misa Solemne e procesión ás 13:00 horas
Ás 14:15 horas Sesión Vermú amenizada pola Orquestra ODEON
Ás 23:00 horas Verbena amenizada pola Orquestra ODEON
Ás 00:30 horas actuación de SABELA

Domingo, 20 de xuño:
Pasarrúas pola mañá a cargo do Grupo DEVANDOIRA
Misa Solemne cantada polo Orfeón XOÁN MONTES e procesión ás 13:00 horas
Ás 14:15 horas Sesión Vermú amenizada pola Orquestra STEREO SHOW
Ás 21:00 horas Verbena amenizada pola Orquestra STEREO SHOW
Ás 22:30 horas actuación do Mago LAMAS

Mércores, 23 de xuño:
Ás 21:00 horas Gran Churrascada e actuación da Orquestra RÍA DE BETANZOS
Ás 22:30 horas queima da Fogueira do Lume Novo

Xoves, 24 de xuño: DÍA DO PATRÓN

Misa Solemne e procesión ás 12:00 horas

Ás 21:00 horas actuación da Orquestra ESCAPARATE

Ás 22:30 horas sorteo dun año

Haberá fogos de artificio e competicións deportivas.

25 anos en Europa

2010-06-12T22:38:00.008+02:00

Hoxe España e Portugal celebran o XXV aniversario da súa entrada na Comunidade Económica Europea, celebración que ademais coincide coa Presidencia Española da Unión Europea. E durante estes últimos vinte e cinco anos Europa foi clave na transformación que España e Portugal experimentaron, non só polos recursos económicos que os dous países recibiron, senón sobre todo polo impacto modernizador que a pertenza a Europa tivo nas súas sociedades. A participación no proxecto europeo contribuíu a acelerar o cambio de mentalidade e das estruturas políticas, económicas e sociais tanto de Portugal coma de España.

A Unión Europea conta con 27 Estados membros que forman unha comunidade e un mercado interior de 493 millóns de cidadáns. Con todo, as disparidades económicas e sociais entre estes Estados e as súas 271 rexións son, o mesmo tempo, moi importantes. Unha de cada catro rexións teñen un PIB (produto interior bruto) por habitante inferior ó 75% da media da Unión Europea dos 27.

A política rexional da Unión Europea favorece a redución das diferenzas estruturais entre as rexións da Unión, o desenvolvemento equilibrado do territorio comunitario e unha verdadeira igualdade de oportunidades entre as persoas mediante a transferencia de recursos das rexións máis ricas ás máis pobres. É un instrumento de solidariedade financeira e unha poderosa ferramenta de integración económica.

Por iso no actual contexto económico tanto o Presidente do Goberno, José Luis Rodríguez Zapatero, como as demais personalidades que participaron nos actos conmemorativos da entrada de España e Portugal nas Comunidades Europeas, nos seus discursos fixeron un chamamento a responder á actual crise e aos desafíos do mundo globalizado reforzando aínda máis a Europa.

Hipocresía e demagoxia

2010-05-28T20:43:00.002+02:00

Este vídeo recolle un exemplo claro da política que está a levar a cabo o PP, porque podemos ver claramente como utilizan a hipocresía e a demagoxia, para intentar enganar e á cidadanía e atacar ao Goberno de España. Deste xeito podemos ver claramente o que quere o PP e cales son os seus intereses. Porque desgraciadamente os feitos demóstrannos que o PP desexa que lle vaia peor a España, pensando en que lles irá mellor a eles.

Mentres o PSOE asume as críticas e, na medida en que unha circunstancia difícil como a actual esixe o concurso e o esforzo colectivo de todos, é receptivo ás propostas doutros e sempre é favorable ao pacto. Porque como di o Alcalde de Lugo, no seu blog "é tempo de construción, non de destrución". Porque agora é tempo de propostas e de feitos e non da loita política sen fundamento.

Nestes momentos a cidadanía reclama especialmente que os políticos e os responsables sociais traballen xuntos nunha mesma dirección, esperando que estean á altura das circunstancias. Pero lamentablemente vemos como o PP está máis preocupado e ocupado nos seus intereses como partido que nos intereses da cidadanía, utilizando para elo a hipocresía e a demagoxia.

O Día de Internet no rural

2010-05-17T16:03:00.008+02:00

Un dos compromisos do Alcalde de Lugo e do seu Equipo de Goberno é o de buscar a igualdade entre os veciños e veciñas, independentemente do lugar no que vivamos. Por iso este ano o Concello de Lugo celebrará o Día Mundial de Internet na zona rural e poñerase en funcionamento a Rede de Telecentros Rurais, que será unha realidade grazas ao proxecto de extensión da Banda Larga mediante tecnoloxías WIMAX/WIFI en zonas rurais do municipio de Lugo, que permitirá que as antigas escolas rurais dispoñan de conexión a Internet.

Porque debido ás dificultades que temos moitas veces os veciños e veciñas que vivimos no rural para poder acceder a algúns servizos, como é o acceso a Internet e en vista de que as compañías privadas de telecomunicacións non acaban de dar unha solución, dende o Concello de Lugo búscanse solucións que permitan reducir as diferenzas que poidan existir entre vivir nun lugar ou vivir noutro, para reducir esta "fenda dixital" e dar a posibilidade de conectarse a Internet e de poder acceder a gran cantidade de información e servizos que ofrece.

Por iso este ano dende o Concello de Lugo convidámoste á celebración do Día Mundial de Internet mañá, martes 18 de maio, no Telecentro Rural de Coeses, que está situado na Antiga Escola desta parroquia, onde teremos moitas actividades lúdicas preparadas para ti.

Pola mañá inaugurarase ás 11:15 a Rede de Telecentros Rurais do Concello de Lugo. Despois dende o Telecentro de Coeses o Alcalde saudará mediante unha videoconferencia aos veciños e veciñas que estarán nos Telecentros de Calde, San Xoán do Campo e Santa María de Bóveda.

Tamén se poderán ver as obras que participaron no certame de pintura en rede Pinta con nós, que estarán expostas e se visualizarán tamén nunha pantalla. A continuación fallarase o premio á mellor pintura en rede e o nome da gañadora ou do gañador desvelarase pola tarde ás 18:00 horas, e entregaráselle un Notebook (ordenador portátil).

E como hoxe é o 17 de maio, ademáis de ser o Día Mundial de Internet, tamén é o Día das Letras Galegas, así que aproveito para desexarvos dende o meu blog un Feliz Día das Letras Galegas e de Internet a todos e todas!!!

A ventá de Lugo

2010-05-12T22:53:00.008+02:00

Baixo o lema “Desde a cidade e o campo mira pola mesma ventá. Xa todos somos iguais” o Concello de Lugo presenta: A ventá de Lugo, unha iniciativa promovida pola Concellería de Servizos Xerais que dirixe Luisa Zarzuela, co obxectivo de difundir entre os cidadáns da zona rural e da cidade as ventaxas de realizar os trámites co Concello a través de Internet. A partir do 24 de maio un monitor informará, guiará e a axudará a todos os veciños de Lugo a descubrir as potencialidades da e-Administración (Administración electrónica) e os beneficios que as novas tecnoloxías poden achegar ás súas vidas. Realizaranse actividades orientadas a todos os públicos de luns a sábado ata o día 29 de xuño nos oitos telecentros rurais da Rede de Telecentros Rurais e os sete quioscos da e-Administración situados nas diferentes dependencias municipais.

A Concelleira de Servizos Xerais explicou que é o momento de que todos os veciños descubran os beneficios que as novas tecnoloxías poden achegar ás súas vidas e os beneficios de realizar diferentes trámites desde as súas casas, traballos ou desde a rúa. Mostraranse as funcionalidades de Tramita na túa casa, que proporcionará á cidadanía unha zona onde poder consultar datos de información persoal que o Concello dispón sobre o mesmo e realizar unha serie de trámites administrativos. Para participar hai que concertar unha sesión gratuíta chamando ao teléfono 010 do Concello de Lugo ou a través da web aventadelugo.es e unha monitora acompañará aos participantes durante toda a sesión para que descubran as ventaxas de realizar os trámites sen moverse de casa.

Tamén dende a Concellería de Servizos Xerais do Concello de Lugo estamos a preparar unha serie de actividades para celebrar o Día Mundial de Internet, que terá lugar o próximo día 18 de maio. Ese mesmo día terá lugar a inauguración da Rede de Telecentros Rurais do Concello de Lugo. Tamén animamos á cidadanía a participar no certame de pintura en rede Pinta con nos. A temática do concurso será a Muralla de Lugo, que este ano cumpre 10 anos como Patrimonio Mundial. O período para participar no concurso será desde o día 10 ao 14 de maio ás 20:00 horas, ambos inclusive. As obras estarán expostas no Telecentro de Coeses, durante a celebración do Día de Internet, e ese mesmo día fallarase o premio á mellor pintura en rede sendo o gañador obsequiado cun Notebook (ordenador portátil).

Para máis información na páxina aventadelugo.es.

Aparcadoiro do novo hospital

2010-04-23T19:58:00.002+02:00

A Asociación de Veciños, Cultural e Deportiva “Castelo-Rato”, como unha das entidades que forman parte da Agrupación de Asociacións de Veciños de Lugo “AGRUPALUGO”, puxo en coñecemento desta Agrupación a forma na que foron cedidos os terreos nos que se habilitará o aparcadoiro do novo Hospital “Lucus Augusti”, para pedir que se tomara unha opinión ao respecto deste asunto.

Ante esta información, como Presidente de AGRUPALUGO, quero manifestar que esta entidade oponse rotundamente á que haxa que pagar por utilizar o aparcadoiro do novo hospital. Parécenos que isto carece de sentido común, porque este aparcadoiro vaise a situar nuns terreos que eran veciñais e que foron cedidos gratuitamente á Xunta de Galicia.

E posto que os veciños de Lugo cedemos gratuitamente os terreos, parécenos inxusto que agora os lucenses tiveramos que pagar por aparcar nuns terreos que foron da nosa propiedade. Polo que dende AGRUPALUGO queremos mostrar a nosa oposición á idea de cobrar por aparcar no aparcadoiro dun hospital público, que dará servizo á unha gran parte da poboación da provincia de Lugo, que se verá prexudicada por esta medida, cando teña que empregar estas instalacións sanitarias.

Ademais como agradecemento á cesión gratuíta de estes terreos por parte do Concello de Lugo, así como da boa vontade dos veciños que estiveron a favor da dita cesión, parécenos erróneo que se queira cobrar por utilizar o aparcadoiro que se vai a facer e pedímoslle á Xunta de Galicia que estableza a gratuidade do aparcamento do novo hospital.

Reducindo a "fenda dixital"

2010-04-05T16:28:00.003+02:00

O Alcalde de Lugo, José L. Orozco, é un firme defensor de buscar a igualdade entre os veciños e veciñas, independentemente do lugar no que vivamos. Por iso e debido ás dificultades que temos moitas veces os veciños e veciñas que vivimos no rural para poder acceder a algúns servizos, como é o acceso a Internet, dende o Concello de Lugo búscanse solucións que permitan reducir as diferenzas que poidan existir entre vivir nun lugar ou vivir noutro.

E en vista de que as compañías privadas de telecomunicacións non acaban de dar unha solución a moitas persoas que viven na zona rural e que non se poden conectar a Internet, na Concellería de Servizos Xerais do Concello de Lugo, que dirixe Luisa Zarzuela, estamos a traballar con importantes e interesantes proxectos, para reducir esta "fenda dixital" e dar a posibilidade de conectarse a Internet e de poder acceder a gran cantidade de información e servizos que ofrece.

Un deses proxectos que está a executar o Concello de Lugo e do que se fai referencia hoxe nunha noticia no xornal El Progreso, é o proxecto de extensión da Banda Larga mediante tecnoloxías WIMAX/WIFI en zonas rurais do municipio de Lugo, que permitirá que as antigas escolas rurais dispoñan de conexión a Internet. Proxecto do que xa está executada a primeira fase e do que xa se está a levar a cabo a segunda fase con cargo ao Fondo Estatal para o Emprego e a Sustentabilidade Local 2010.

Destes proxectos quero destacarvos o proxecto europeo Parnet-TIC, destinado ao fomento da Sociedade da Información nos territorios rurais, por medio da e-administración e da e-participación. Parnet-TIC é un proxecto transfronteirizo no que participan 8 Administracións Públicas de España, Francia e Portugal, que pretende estimular o uso das TIC por parte da poboación e acometer as accións necesarias para estender a súa utilidade cara áreas de grande interese social, como a educación, a cultura e a administración en xeral.

Neste senso de achegar as novas tecnoloxías á cidadanía o Concello de Lugo leva feito unha importante labor, xa que levou a cabo importantes iniciativas neste campo, como son o proxecto Lugo Dixital, o Blog do Alcalde, o envío de correos electrónicos ou de SMS coa información municipal, o Servizo de Información Municipal 010, o proxecto ABRED, os Encontros dixitais do Alcalde, os Cadernos de Lugo, a Aula Multimedia do Castiñeiro, o Portal web do Concello, o programa Conéctate en Lugo, a Ludus Party, ou o Portal das Asociacións.

Así que en Lugo temos que seguir por este camiño, para seguir achegando a toda a cidadanía ás Novas Tecnoloxías. Polo que dende o Concello seguiremos traballando para que toda a cidadanía teña a posibilidade de acceder a Internet, independentemente do lugar no que viva, para rematar coa "fenda dixital" que hai na nosa sociedade.

A Hora do Planeta

2010-03-27T17:08:00.005+01:00

Hoxe celébrase A Hora do Planeta, entre as 20.30 e as 21.30, momento en que o mundo enteiro únese fronte ao cambio climático. Máis de 4.000 cidades de 125 países comprometéronse con esta iniciativa de WWF, baténdose a marca do pasado ano, coa participación dos seis continentes. En España, 186 cidades apagarán os seus edificios máis emblemáticos durante unha hora. Con tal motivo, escribo este comentario, para tratar este tema tan importante, que nos debe de facer reflexionar a todos e todas.

Neste contexto resulta fundamental estimular a concienciación sobre o medio ambiente a nivel mundial, ademais de promover a atención e acción política. Entendendo que o cambio climático se está a converter no tema clave da nosa era. Temos que facer realidade as distintas iniciativas, así como os medios para promover unhas economías e estilos de vida sostibles e respectuosos co medio ambiente.

En Lugo o Concello mostrou a súa adhesión a esta campaña, como unha mostra máis do seu compromiso coa loita contra o cambio climático e pola defensa do medio ambiente. Polo que a Muralla, a Catedral, a Igrexa de San Froilán, o monumento do bimilenario e as fontes públicas apagarán as súas luces para tomar conciencia do problema do cambio climático e coñecer a importancia da participación de todos e todas na defensa do medio ambiente.

E dende o meu blog quero aproveitar para animarvos a que vos sumedes a esta iniciativa e durante unha hora apaguemos as luces e actúemos contra o cambio climático.

Presentación de AGRUPALUGO

2010-03-16T17:53:00.004+01:00

Este sábado celebramos no Restaurante Fonte do Rei II os actos da presentación da Agrupación de Asociacións de Veciños de Lugo “AGRUPALUGO”. Para elo realizamos unha comida entre as distintas asociacións que formamos parte desta Agrupación, co obxectivo de dar a coñecer a nova entidade á sociedade.

E antes de falarvos deste novo proxecto, quero aproveitar para agradecerlles aos compañeiros e compañeiras das entidades que facemos posible AGRUPALUGO, a confianza que depositaron en min para ser o Presidente desta Agrupación. Tamén lles quero agradecer a todos e todas a participación neste acto, no que contamos coa presenza da Concelleira de Servizos Xerais, Luisa Zarzuela, e da Concelleira de Benestar Social e Igualdade, Carmen Basadre, que viñeron en representación do Equipo de Goberno do Concello de Lugo.

Lamentablemente temos que falar dalgunhas ausencias, porque non quixeron asistir a este acto e non aceptaron a invitación que lles fixemos os representantes dos Grupos Municipais do PP e do BNG, que nin sequera tiveron deferencia de responder á invitación que lles fixemos dende a Agrupación. Pero non vou a ser eu o que entre a valorar este feito, que non atenta contra min, senón contra todas as entidades que formamos parte de AGRUPALUGO e que merecemos un respecto por parte de tódolos representantes da cidadanía.

Ademais o importante é que o acto nos axudou a coñecernos máis e a presentarnos ante a sociedade. A Agrupación integrámola as seguintes asociacións: Asociación Cultural, Xuvenil e Veciñal “O Castro” de Coeses; Asociacións de Veciños, Cultural e Deportiva “Castelo-Rato”; Asociación de Veciños “Río Miño” de Santiago de Meilán; e Asociación de Veciños, Cultural e Deportiva de San Xoán de Tirimol.

Trátase dunha Agrupación sen ánimo de lucro, independente e plural, que traballará en beneficio das entidades que representa e da sociedade. A Agrupación respectará a propia autonomía de cada unha das asociacións que a integran nas decisións internas que adopten.

Os fins principais desta entidade serán dinamizar o traballo das entidades asociadas, o fomento do asociacionismo veciñal, a realización e promoción de actividades culturais e recreativas. Co que se pretende contribuír a unha concienciación social que fomente a participación cidadá.

Para levar a cabo estes fins a Agrupación defenderá os intereses das entidades que representa e prestaralles apoio, coordinación e colaboración. Tamén informará e asesorará de temas de interese as asociacións que a integran e programará diferentes actividades socio-culturais e deportivas, que sexan do seu interese e da sociedade.

Dedicatoria no Día da Muller

2010-03-08T22:48:00.003+01:00

Hoxe conmemórase o Día Internacional da Muller. E neste 8 de Marzo, quero sumarme ao recoñecemento especial a Asunción Antelo Suárez, de Segufe, Coristanco (1919), que é unha muller labrega, artista, e traballadora incansable. A coñecida como a “Rexoubeira de Bergantiños” é unha muller que dedicou a súa vida a compaxinar o duro traballo no campo galego coa súa paixón, o arte.

Labrega dende moi nova, traballou arreo durante moitos anos compaxinando o duro traballo coas súas inquedanzas intelectuais e culturais que plasmou a modo de tallas e figuras de madeira, reloxos, esculturas, muíños, casas, fontes, poemas e demais obxectos que hoxe forman parte do pequeno patrimonio cultural que dende 1998 decidiu de xeito altruísta compartir coa sociedade galega. Poetisa, oleira, escultora, canteira… é un exemplo de esforzo e traballo a prol da nosa cultura polo que foi recoñecida esta “Rexoubeira de Bergantiños” como “Bergantiñá do ano” no 2006.

Polo seu traballo e esforzo autodidacta, polo seu amor á cultura galega, pola súa particular forma de ver e sentir esa realidade social que a rodeou dende 1919, polo seu altruísmo e querenza da súa terra. Por todo isto dedícolle neste día este comentario a Asunción e a tódalas mulleres. Así que de xeito especial neste día quero recoñecer a gran importancia das mulleres na nosa sociedade. Debemos seguir dándolles todo o noso apoio na loita e defensa do feminismo, da Igualdade e dos dereitos das mulleres. Por todas elas temos que seguir traballando, para conseguir a igualdade efectiva entre as mulleres e os homes en tódolos ámbitos.

O Banco de Tempo

2010-02-23T18:14:00.002+01:00

Tiven a oportunidade de participar como representante veciñal na Mesa de concertación do plan de programación do tempo na cidade de Lugo. Como son un defensor da transparencia e de achegarlle a información á cidadanía, quero falarvos no meu blog da principal medida de conciliación do tempo na cidade que acordamos e que foi poñer en marcha un Banco de Tempo en Lugo. Así que vou a explicarvos esta interesante iniciativa do Concello de Lugo.

Un Banco de Tempo é un sistema de intercambio de servizos por tempo. Nel a unidade de intercambio non son os cartos senón unha medida de tempo, por exemplo o traballo por hora. Trátase dun sistema de intercambio de servizos por servizos, ou de favores por favores. Propón a vantaxe de fomentar as relacións sociais e a igualdade entre distintas persoas. A idea da que se parte é que todos e todas teñen a capacidade de axudar a outras persoas que ao mesmo tempo poden devolver a axuda para resolver algunhas necesidades diarias.

Auxilia encargouse de poñer en marcha un Banco de Tempo en Lugo, como entidade prestadora de servizos sociais, coa colaboración do Concello de Lugo, a través da Concellería de Benestar Social e Igualdade. As persoas adscritas terán que ofrecer un determinado número de horas mensuais e demandar o mesmo número de horas para cubrir necesidades puntuais. Cada persoa adscrita ao servizo será titular dun conta corrente de tempo. Non se poderá acumular unha diferenza maior de 10 horas entre o tempo ofertado e o tempo recibido. O Banco do Tempo ofertará máis actividades canta máis xente teña inscrita. Soamente hai que anotarse e facer propostas, canto máis orixinais mellor.

Os interesados en participar podedes acudir á sede de Auxilia en Lugo, situada na Casa Clara Campoamor, local 4, que está na Avenida Infanta Elena, nº 11. Para recibir máis información pódese chamar ao teléfono de atención cidadá 010 e a través da páxina web http://www.bdtlugo.net.

Os intereses do PP

2010-02-17T22:25:00.002+01:00

Despois de ver os acontecementos e o debate desta mañá no Congreso, quedoume ben claro o que quere o PP e cales son os seus intereses. Porque desgraciadamente os feitos demóstrannos que o PP desexa que lle vaia peor a España, pensando en que lles irá mellor a eles. E deste xeito vemos como o PP está máis preocupado e ocupado nos seus intereses como partido que nos intereses da cidadanía.

Neste debate Rajoy volveu usar a descualificación, o alarmismo e non expuxo nin unha soa proposta. Só lle propuxo ao Grupo Socialista que lle retirasen o apoio ao Presidente e que llo deran a el. Porque a Rajoy moléstalle que José Luís Rodríguez Zapatero sexa un líder con conviccións, ideas, valores e principios, que conta co apoio unánime de todo o PSOE.

O PSOE asume as críticas e, na medida en que unha circunstancia difícil como a actual esixe o concurso e o esforzo colectivo de todos, é receptivo ás propostas doutros e sempre é favorable ao pacto. O Parlamento é o escenario dun exercicio de pacto e acordo constante pola parte do PSOE. Deste xeito mentres o Presidente do Goberno chegou con propostas, ideas e cun firme compromiso con lograr un gran pacto, Mariano Rajoy non achegou nada. Demostrou que o PP non ten nin unha soa idea, nin alternativa.

Ata agora, o Partido Popular non acompañou nin unha soa das medidas que se puxeron en marcha, e que outros moitos grupos políticos si apoiaron. Por iso non puidemos escoitarlle ao PP detalle algún do seu proxecto económico, nin unha proposta, nin unha oferta de arrimar o ombreiro. O PP esaxera as malas noticias e silencia as boas. Xamais recoñece as realidades económicas positivas de España.

Compromisos cumpridos

2010-02-09T17:12:00.005+01:00

Importantes infraestruturas para Lugo, como a Nova Ponte sobre o Río Miño, están sendo unha realidade froito do compromiso do Ministro de Fomento, José Blanco. Un home que fixo posible que Lugo conte no mapa das infraestruturas. Mentres que o Goberno do PP non atendeu as necesidades das infraestruturas que precisamos, o Goberno socialista presidido por Zapatero en outubro de 2004 tivo unha sensibilidade e adquiriu uns compromisos con Lugo, que se están a materializar coa realización de proxectos necesarios para o avance de Lugo.

Deste xeito o ano pasado o Ministro puxo en servizo o desdobramento da N-VI no tramo Nadela-Tolda de Castela, na circunvalación de Lugo. O investimento alcanzou os 28,8 millóns de euros e conseguiu mellorar os accesos e as comunicacións da cidade de Lugo. O trazado de 4,5 km. contemplou a construción de varias rotondas e na súa construción observáronse unha serie de medidas correctoras ambientais e arqueolóxicas, recollidas na Declaración de Impacto Ambiental.

Tamén no pasado ano o Ministerio de Fomento licitou e adxudicou as obras da nova ponte sobre o río Miño cun orzamento de 21,5 millóns de euros. Ademais da ponte, construiranse os viarios necesarios para conectar a circunvalación da N-VI coas estradas do sur de Lugo, coa estrada de Portomarín e coa antiga estrada de Santiago. Co acordo co Concello lucense sobre o acceso á ponte desde a glorieta que conecta coa N-VI, facilitaranse os accesos da capital á futura autovía de Lugo a Santiago.

Ademais están en construción outras infraestruturas que beneficiarán moito a Lugo, como as autovías Lugo-Santiago e Lugo-Ourense. E nos próximos meses levarase a cabo o convenio para o arranxo de todos os espazos verdes das estradas do Ministerio de Fomento nas entradas da cidade.

Este avance de Lugo no sería posible sen o traballo do Ministro de Fomento e do Alcalde de Lugo. Deste xeito a nova Ponte e máis infraestruturas importantes para Lugo serán unha realidade grazas a José Blanco e a José L. Orozco. Eu estaba seguro de non nos fallarían aos lucenses e os acontecementos están a demostrar que non me equivocaba.

Lugo solidario con Haití

2010-01-25T14:33:00.003+01:00

Onte tivo lugar no Auditorio Municipal Gustavo Freire de Lugo a Gala de Maxia Solidaria "Maxia por un soño". Un evento benéfico a favor de Haití, que foi posible grazas á colaboración da Concellería de Cultura e Turismo do Concello de Lugo, de Abracadabra Produccións, da Cadena Ser, do Centro Comercial As Termas, de El Progreso, de Descubrelugo.com e de IMC Imprenta Dixital.

A Gala foi presentada por Jose Antonio Díaz (presidente do Colectivo Máxico Waldemar) e contou coas actuacións dos seguintes magos: Mago Rafa (Lugo), Manuel Lamas (Lugo), Mago Teto (Viana do Bolo), Dani García (Neda), Martin Andersen (Arxentina), Román García (A Coruña) e dos Malabaristas Pablo Trasno e Fredi Circanelo de Lusco e Fusco (Santiago de Compostela).

Todo o diñeiro recadado neste evento está destinado aos damnificados de Haití a través de Cruz Roja e de Médicos Sin Fronteras. A recadación fíxose coa venda das entradas a 5 euros e coas doazóns realizadas. E a min encantoume poder asistir como público e ver a resposta que tivemos os lucenses con esta Gala. No Auditorio había moitos nenos e tamén moitos maiores e ata houbo lucenses que non puideron entrar, porque o aforo do mesmo completouse moi pronto.

Foi unha boa mostra da solidariedade da cidadanía lucense co pobo de Haití, que está pasando por uns momentos terribles a causa do forte tremor de terra que o día 12 de xaneiro fixo cambalear a vida tódolos haitianos. Así que quero felicitar a todas as persoas e entidades que fixeron posible este evento e agradecerlles o seu gran traballo a favor desta causa. E por suposto felicito a tódolos lucenses que asistiron e que quixeron colaborar, tanto os que puidemos entrar, como os que non puideron entrar.

Eventos como este son unha boa mostra da predisposición que temos a colaborar nestes duros momentos e de mostrarlles a nosa solidariedade aos que peor o están pasando. Porque sucesos como a de Haití débennos facer reflexionar que os problemas que temos non teñen tanta importancia, en comparación co desastre que están a sufrir moitas persoas alí. Polo que nestes momentos a nosa colaboración con estas persoas é moi necesaria, para axudarlles a saír adiante desta terrible situación.

O PP non pescou nada

2010-01-19T11:48:00.002+01:00

O PP está intentando pescar un peixe pola zona rural do concello de Lugo, pero moi mal o deben estar facendo, porque o peixe non lles morde o anzol. E á parroquia de Tirimol, onde eu vivo, xa viñeron dúas veces a pescar, unha vez o ano pasado e outra vez este ano. Como se pode ver nesta foto que vos poño e que saíu publicada nos medios de comunicación fai un ano. Na foto pódese ver ao concelleiro do PP de Lugo, Manuel López, intentando pescar coa axuda doutro home. Pero parece que este pescador non ten sorte, porque non dá collido o peixe. A razón de que o PP non consiga pescar debe estar en que intentan pescar o peixe coa demagoxia e coa mentira, vindo unha vez ao ano a pescar e que coincida no inverno e nunha época na que chova moito.

No mes de febreiro do ano pasado viñeron pescar a Tirimol. E intentaron convencer ao peixe dicíndolle que o goberno municipal socialista non quería arranxar as fochancas das pistas, cando estabamos no inverno e nunha época na que chovera moito. Din que coñecen o rural, pero parece que aínda non saben que no inverno cando chove non se poden arranxar as fochancas no rural, porque coa auga que hai nas fochancas non quedarían ben tapadas e o que se lle botara non duraría nin unha semana.

O goberno socialista do Concello de Lugo a través dos fondos do Plan E, mellorou no verán a capa de rodaxe deste camiño con aglomerado en quente. Deste xeito, por primeira vez o Concello emprega o aglomerado en quente para mellorar o firme de pistas principais, ou failles bases para suxeitar os contedores nas parroquias rurais. O que é resultado do compromiso do goberno local de mellorar o rural.

Pero este ano o pescador volveu a Tirimol outra vez a intentar coller o peixe no mesmo lugar que viñeran o ano pasado. Desta vez o pescador intenta botarlle a culpa ao goberno local socialista de que saía para o camiño moita auga dun sumidoiro. Pero o que non di é que ese sumidoiro é da canalización subterránea da liña eléctrica e que, polo tanto, é responsabilidade da empresa eléctrica que o fixo. Tamén esquece este pescador, ao pedir que se fagan cunetas para canalizar a auga, que está nun dos lugares da parroquia máis estreito, porque hai muros de pedra e polo tanto non hai terreo para poder facer unhas cunetas.

E agora este pescador “confunde” os días da semana e di nun xornal que ven a pescar o domingo a Tirimol, cando veu o venres. E faino para alardear de que é moi "bo" pescador, pero como di o refrán: dime de que presumes e direiche de que careces. Deste xeito o PP non pescou nada e parece que o peixe que queren coller non lles quere morder o anzol que lle poñen.

Lugo10

2010-01-13T20:32:00.001+01:00

O luns asistín no Círculo de las Artes de Lugo á gala de presentación de "Lugo10", que é un interesante programa de actividades e non quero deixar pasar a oportunidade de falarvos del no meu blog. Este programa celebraráse ao longo do ano 2010 con motivo do décimo aniversario da proclamación da Muralla de Lugo como Patrimonio Mundial.

Foi o 30 de novembro do 2000 cando tivo lugar un dos momentos máis importantes da historia moderna de Lugo: a concesión pola UNESCO do título de Patrimonio Mundial á Muralla Romana de Lugo. Esta distinción marcou un antes e un despois na forma de pensar dos lucenses, na autoestima e o orgullo dunha sociedade que avanzaba cara o século XXI.

O Concello de Lugo quere seguir contribuíndo a convertir a Lugo nesa cidade sobresaínte que todos e todas comezamos a soñar ese día e que se viu enormemente fortalecida cando o mundo enteiro recoñeceu o gran tesouro que é o noso patrimonio. Sobre esa idea versará todo un programa de actividades e actos que se desenvolverán ao longo do ano, e que estarán dirixidos á cidadanía en xeral.

A programación recolle preto de 30 accións coas que achegar Lugo ao mundo para o cal será preciso a implicación da cidadanía, para facer que a Muralla e a cidade, o Lugo10 sexa de todos e todas, máis aló das nosas fronteiras. Artículase como un ambicioso programa que pretende potenciar o turismo e axudar na reactivación económica.

O Concello quere que a programación que se poña en marcha inclúa numerosas actividades na rúa. Cada acción que se programe debe ter como protagonista á Muralla, o pasado romano da cidade e o Camiño de Santiago que pasa por Lugo e que no ano 2010 ten un gran protagonismo coa celebración do Xacobeo.

Así que anímovos a participar en Lugo10, porque Lugo é 10.

Un ano 10

2010-01-08T13:14:00.003+01:00

Cando fai uns días que comezou o ano 2010, sigo escribindo neste blog dende fai dous anos con todas as forzas e a ilusión, como o primeiro día que o comecei. E quero comezar cunhas verbas de felicitación para todos e todas, desexándovos que pasedes un próspero 2010. Un ano no que agardo que se fagan realidade tódolos nosos mellores desexos para este novo ano.

E teño o presentimento de que este será un gran ano, un ano 10. Porque eu son positivo, pero especialmente porque creo que este novo ano nos traerá boas novas e importantes acontecementos, que nos axudarán a mellorar e ese é o meu desexo para o 2010.

Ademais tendo en conta o refrán que di "año de nieves, año de bienes", esta idea confírmase. Porque este é un ano de neves, como se pode ver na foto que vos poño neste post e que fixen esta mesma mañá en Tirimol no concello de Lugo. Polo que de cumprirse este refrán este será un ano de boas novas.

No 2010 celebramos acontecementos importantes, como o Ano da Muralla Romana de Lugo, co gallo do décimo aniversario da Declaración da Muralla de Lugo pola UNESCO como Patrimonio da Humanidade, ou a Presidencia Española da UE.

De seguro que neste novo ano que comezou fai uns días nos esperan moitos máis momentos que vivir. O 2010 acaba só de comezar e quédame moito que compartir con vos, polo que agardo que neste novo ano sigades visitando e participando no meu blog.

P.D.: Para que teñamos un bo ano e debido ao temporal que estamos a sufrir, dende o meu blog quero recordar que debemos de ter presentes as recomendacións das autoridades e ter moita precaución, para evitar situacións de perigo.

Boas Festas e Feliz 2010

2009-12-24T13:09:00.002+01:00

Para ampliar a postal hai que premer na imaxe.

Con esta postal quero desexarvos a todos e todas unhas Boas Festas e un Feliz 2010, no que agardo que se fagan realidade tódolos nosos mellores desexos para o novo ano. Un ano máis dende o meu blog escribo para compartir con vos as miñas opinións sobre distintos temas e escoitar a vosa opinión como lectores. E agardo que no 2010 sigades visitando e participando neste blog.

Puxen esta imaxe na postal, porque no 2010 celebraremos o décimo aniversario da Declaración da Muralla de Lugo pola UNESCO como Patrimonio da Humanidade, así que este será o ano de Lugo, o ano dos lucenses, o ano da Muralla o símbolo cultural que une e reúne a todos e todas.

Eu volverei a estar con vos no meu blog con todas as forzas e a ilusión no ano novo despois destas festas. Ata entón pasádeo moi ben e que sexades moi felices!

Lugo é máis dixital

2009-12-09T21:38:00.005+01:00

O Concello de Lugo organiza a I Xornada de Redes Sociais e Blogs en Lugo, que terá lugar o vindeiro venres 11 de decembro no Centro de Empresas e Innovación. Vai a ser unha gran cita para blogueiros expertos e emprendedores no campo da Internet, que debaterán sobre o actual fenómeno dos blogs e as novas iniciativas de participación na Rede.

Ademais contaremos con conferenciantes de primeiro nivel galego e nacional que analizarán desde diversos puntos de vista os novos fenómenos de Internet. Así que eu anímovos a que participedes nesta interesante xornada. A participación neste encontro será totalmente gratuíta, pero requírese unha inscrición previa a través da páxina web www.xornadas.es, chamando ao teléfono 010 de atención á cidadanía do Concello ou o día das xornadas de 9:30 a 10:00 horas.

Neste senso de achegar as novas tecnoloxías á cidadanía o Concello de Lugo está a facer unha importante labor, xa que leva feito importantes iniciativas neste campo, como son o proxecto Lugo Dixital ou o programa Conéctate en Lugo. E esta mañá presentouse no Salón de Plenos do Concello de Lugo o proxecto europeo PARNET-TIC, destinado ao fomento da Sociedade da Información nos territorios rurais. Deste xeito cada día Lugo é mais dixital.

Novas enerxías

2009-12-02T13:08:00.004+01:00

Este vídeo titulado "Novas enerxías" foi creado especificamente para a acción explicativa da política económica e orzamentaria do Goberno socialista. Este documento audiovisual repasa os avances sociais que se deron en España grazas sempre aos Executivos socialistas. A entrada en Europa, a universalización da sanidade e da educación, o sistema de pensións garantido, a despenalización do aborto ou a Lei da Dependencia son algúns dos logros que menciona o vídeo.

Tamén insiste en que, a partir de agora, o traballo dos socialistas é impulsar a nova economía, o cambio de modelo produtivo que virá da man da Lei de Economía Sostible, presentada hoxe no Congreso dos Deputados polo Presidente do Goberno. Porque sabemos que o modelo económico do século XX está esgotado e que agora, cando vai comezar a segunda década do século XXI, hai que construír unha nova economía.

Trátase de construír a economía que se basee no coñecemento; a economía das enerxías limpas e renovables e do medio ambiente; a economía da igualdade social e da igualdade de oportunidades; a economía do benestar, capaz de dar solucións globais. Unha economía do benestar compartido e solidario entre todos e todas, que nos permita saír da crise, pero, sobre todo, que nos garanta que non se repetirá mañá. Porque co Goberno fronte a crise afrontamos o futuro inmediato con novas enerxías.

Maltrato cero

2009-11-25T20:18:00.002+01:00

Hoxe, 25 de novembro, é o Día Internacional para a eliminación da violencia de xénero. E as mulleres maltratadas teñen que sentir que teñen todo o noso apoio e que toda a sociedade está loitando para que estes malos tratos e estes asasinatos rematen, para que os covardes dos seus maltratadores deixen vivir a estas mulleres. Pero esta tarefa non é un só día, senón que son os 365 días do ano.

E ademais disto temos que seguir traballando para conseguir a igualdade efectiva entre as mulleres e os homes en tódolos ámbitos. Porque tódalas persoas teñen dereito a unha vida digna, sen malos tratos e a unha igualdade de oportunidades. E froito do esforzo colectivo das mulleres, conseguíronse grandes avances, pero debemos ser conscientes de que aínda queda un longo camiño por percorrer. Para que isto sexa unha realidade hai que seguir traballando xuntos neste camiño da Igualdade, algo ao que sen dúbida entre todos e todas chegaremos.

Temos que estar xunto a elas, porque nos necesitan e porque non consentimos que sexan maltratadas baixo ningún concepto e menos por ser mulleres. Porque de tódalas mulleres que haxa na miña vida, NINGUNHA SERÁ MENOS CA MIN. Porque entre un home e unha muller, MALTRATO CERO.

Xuntos facemos Lugo

2009-11-17T18:09:00.003+01:00

Hoxe estréase a nova web do PSdeG-PSOE de Lugo. A nova web ten espazos de participación para que a cidadanía envíemos as nosas opinións e as nosas propostas e axudemos a mellorar o noso concello. Podemos atoparnos con distintas seccións, para coñecer o Grupo Municipal Socialista, un equipo unido que traballa con forza e ilusión por un Lugo igualitario e moderno, na zona urbana e na rural. E tamén para coñecer a Executiva Local, descubrindo o nexo de unión e comunicación dos socialistas do noso municipio. Experiencia e ilusión ao servizo dos veciños e veciñas que apostan polo progreso de Lugo. Tamén hai outras novidades, como un foro ou os blogs de José L. Orozco, Sonia Méndez e Carlos Ferreiro.

Como o motor dos socialistas é traballar para mellorar a calidade de vida de todos os veciños e veciñas de Lugo, da zona urbana e da rural, a nova web conta co espazo Así vexo o meu barrio. Trátase dunha fiestra aberta para todos aqueles que queiran participar neste percorrido polo municipio de Lugo, a través dos comentarios, suxestións e fotografías. Deste xeito cada quincena, un barrio ou parroquia será a protagonista. Así que anímovos a que visitedes esta nova web e a que participedes nela coa vosa colaboración.

Seguindo neste camiño, a semana pasada o Alcalde de Lugo, José López Orozco, anunciou a posta en marcha dunha campaña informativa que ten por obxectivo achegar a acción do Goberno Local aos cidadáns. Baixo o lema O Goberno de Lugo Contigo, o Executivo Local trasladarase a todos os centros de convivencia, colexios e escolas rurais co obxectivo de dar conta dos proxectos no que traballa o Equipo de Goberno, así como os investimentos realizados ata o de agora e aqueles programados para os próximos meses. Os veciños e veciñas de Lugo recibirán información detallada nas súas vivendas das convocatorias previstas.

Porque para os e as socialistas, Lugo facémolo entre todos e todas, por iso a opinión da cidadanía é moi importante. Neste sentido vai encamiñada a política do PSdeG-PSOE de Lugo, estando preto dos veciños e veciñas e escoitando as suxestións e inquedanzas que temos para mellorar o noso concello, porque XUNTOS FACEMOS LUGO.

Europa máis preto

2009-11-10T19:34:00.006+01:00

Os resultados das enquisas indican que maioría da cidadanía sinte que a Unión Europea está lonxe, porque non coñecen en que lles afecta ou pensan que non ten importancia. Por iso as iniciativas que contribúen a mellorar o coñecemento que teñen os cidadáns da UE son moi importantes. Un exemplo destas iniciativas é á rede de Centros de Información Europea.

En Lugo contamos dende xaneiro cunha Oficina de Europa Direct xestionada polo Concello de Lugo. Esta oficina ofrece un servizo rápido, directo e accesible para achegarse á Unión Europea desde Lugo. Deste xeito os cidadáns temos máis preto a información relacionada coa UE, porque esta oficina proporciona un servizo de información sobre temas relacionados coa UE.

A oficina ofrécenos este servizo a través de consultas, acceso a documentación relacionada coa Unión Europea, acceso desde os ordenadores do centro ás bases de datos comunitarias e outras fontes de información da UE, ou información a través da súa páxina web e do seu boletín electrónico mensual de toda a actualidade sobre as políticas da UE.

Europe Direct-Lugo, pertencente á rede de Centros de Información Europea, é o punto desde o que o Concello de Lugo ofrece un servizo de proximidade que permite aos cidadáns obter información, asesoramento, axuda e respostas as súas dúbidas sobre a lexislación, as políticas, os programas e as posibilidades de financiación da Unión Europea.

Diríxese a todos os cidadáns, entidades públicas ou privadas que estean interesadas na procura de información sobre a Unión Europea: Administracións, colectivos, empresarios, traballadores, estudantes, profesores, etc. A Oficina de Europa Direct de Lugo está situada na Avenida da Coruña 490 (Antigo cuartel de Garabolos).

Unha canción con sentimento

2009-11-02T16:12:00.000+01:00

Quero compartir no meu blog esta preciosa canción da cantautora Silvia Penide titulada "Amo", unha canción que coñecín por uns amigos. Silvia demóstranos que cunha canción se pode transmitir mensaxes con moito sentimento. Por iso quero compartir con vós o vídeo desta canción, para que vexades as mensaxes que nos transmite da vida e como pode chegar a facernos reflexionar.

A min transmíteme moito sentimento e algo que só se pode coñecer escoitándoa, polo que creo que sobran as palabras que eu vos poida dicir. Así que anímovos a que escoitedes esta canción, porque estou seguro que non vos deixará indiferentes e vos fará reflexionar.

Tócame facer balance

2009-10-22T23:32:00.004+02:00

Despois de que fai un ano os meus compañeiros de IESGA (Iniciativa Estudantil Galega) na Facultade de Ciencias Políticas e Sociais da USC confiaran en min para ser o Coordinador de IESGA na facultade, tócame facer balance do traballo que fixemos entre todos e todas, porque hoxe tivemos a Asemblea Extraordinaria. Polo que estiven repasando o traballo que fixemos, para darlles conta aos meus compañeiros no informe de xestión. Especialmente quero felicitar ao compañeiro Mario Pais Beiro, porque será o novo Coordinador de IESGA na facultade, despois de que o elixiramos por unanimidade nesta asemblea. E estou moi contento por esta decisión que tomamos, porque sei que Mario traballará e continuará con este gran proxecto.

Tócame despedirme, o que é moi triste para min, despois do tempo que pasamos xuntos, pero estou contento, xa que o proxecto no que traballamos continúa, porque quedan compañeiros que cren nese proxecto. E teño que dicir que o balance que fago é moi positivo e que me sinto moi orgulloso do traballo feito e de pertencer a IESGA e de pensar o que penso. Alégrome moito polo importante traballo levado a cabo pola nosa organización e polos meus compañeiros, aos que quero felicitar dende aquí. Polo que quero recoñecer o traballo feito dende IESGA na facultade, felicitando aos compañeiros polos avances que conseguimos.

Nas eleccións á Xunta de Facultade conseguimos ter 2 representantes. Por parte de IESGA saímos elixidos o meu compañeiro Alejandro Peso e eu. A miña valoración destes resultados acadados por IESGA é moi positiva, porque pasamos de non ter representación na Xunta de Facultade a ter 2 representantes. Na Xunta de Facultade traballamos pola defensa dos intereses dos estudantes e para que as nosas propostas electorais sexan unha realidade. Fixemos rogos e preguntas ao equipo decanal para mellorar a nosa facultade e a calidade da docencia. Velamos polo cumprimento dos dereitos dos estudantes e traballamos para que a voz do alumnado sexa escoitada e tida en conta por parte dos órganos encargados de tomar as decisións na facultade.

Tamén fixemos actividades culturais e formativas na facultade, actividades que permitiron coñecer novos espazos, traballar cuestións máis aló do estritamente académico. Actividades como poñer unha mesa informativa o Día Mundial da Loita contra a SIDA, coa finalidade de informar ao alumnado da importancia da prevención da SIDA. Apostamos polas Novas Tecnoloxías, porque son unha ferramenta que nos axuda a coñecer a opinión dos estudantes e a poder informalos do que lles interesa. Por iso na web de IESGA temos un blog, que ten a función dun espazo máis personalizado para achegar a información.

E aos meus compañeiros de IESGA doulles ánimos para seguir traballando, porque estou seguro que se seguimos traballando como o estamos facendo, cada día faremos realidade as reivindicacións dos dereitos do alumnado. A partir de agora téñenme a súa disposición para o que poida axudar. Así que quero agradecerlles a tódolos compañeiros e compañeiras de IESGA a súa implicación, especialmente quero agradecer o traballo que realizaron, xa que sen o seu esforzo este resultado non sería posible.

Blog Action Day 2009

2009-10-15T18:49:00.000+02:00

Hoxe celébrase o Blog Action Day, día no que a blogosfera mundial debatemos simultaneamente sobre un asunto concreto, este ano sobre o cambio climático. Con tal motivo, escribo este comentario no meu blog dende o acto de celebración do PSdeG-PSOE deste evento, que estamos a celebrar nestes intres en Lugo e no que tratamos este tema tan importante, que nos debe de facer reflexionar a todos e todas.

Neste sentido, estoume a acordar dun tema que coñecín mellor durante a miña etapa como Bolseiro de Sostibilidade, Participación e Integración Universitaria na Facultade de Ciencias Políticas e Sociais da Universidade de Santiago de Compostela, como foi o concepto de ‘pegada ecolóxica’, que representa os custes ecolóxicos dun determinado modelo de vida. Grazas aos seminarios organizados polo Plan de Desenvolvemento Sostible nos que puidemos participar, ademais de analizar a pegada ecolóxica, servíronnos para abordar os hábitos de consumo e alimentación, o transporte e a mobilidade ou a débeda ecolóxica.

Neste contexto resulta fundamental estimular a concienciación sobre o medio ambiente a nivel mundial, ademais de promover a atención e acción política. Entendendo que o cambio climático se está a converter no tema clave da nosa era. Temos que facer realidade as distintas iniciativas, así como os medios para promover unhas economías e estilos de vida sostibles e respectuosos co medio ambiente.

San Froilán 2009

2009-10-03T19:36:00.001+02:00

Do 4 ao 12 de outubro Lugo está de festa, porque celebramos as festas do San Froilán. Dende mañá e durante nove días os lucenses e os que nos visiten poderemos participar nun amplo programa festivo, con actividades para tódolos gustos. Trátase dunhas festas que conxugan a tradición coa modernidade, declaradas como Festa de Interese Turístico Galego e Fiesta de Interés Turistico Nacional.

Estas festas están organizadas polo Concello de Lugo e permítennos disfrutar de moitas actividades, como asistir a concertos, dar unha volta polo recinto feiral, ver competicións deportivas, comer o polbo á feira nas casetas, todos eles uns elementos que non poden faltar no San Froilán. E os máis pequenos teñen o San Froilanciño cunha morea de actividades para eles. Así que como lucense invítovos a todos e a todas a que veñades a Lugo a gozar destas festas.

Que o pasemos moi ben e que teñamos unha felices festas!

Post nº 100

2009-09-28T11:18:00.003+02:00

Este é o post número 100 que escribo no meu blog, no que comparto con vos as miñas vivencias e as miñas opinións sobre distintos temas. Pretendendo que este espazo virtual sexa unha fiestra aberta ao mundo, coa que poder compartir as miñas opinións sobre distintos temas e escoitar a opinión dos lectores, porque aquí pódese opinar libremente sobre o que un queira, sempre que se manteña o respecto pola dignidade das persoas.

Quero celebrar que xa levo escritos 100 comentarios, intentando cumprir un dos principais obxectivos do meu blog, que é o de axudarvos a coñecerme un pouco mellor. O que busquei con cada un dos comentarios publicados. Por iso neste post vouvos a falar de min dunha maneira máis persoal, respondendo a continuación a un cuestionario, para que me coñezades mellor.

Preséntate: Son Licenciado en Ciencias Políticas e da Administración pola Universidade de Santiago de Compostela. Estudei no Colexio Público de Casás en Lugo e logo no Instituto Leiras Pulpeiro. Son una persoa a que lle gusta participar e estou colaborando en IESGA (Iniciativa Estudantil Galega), en Xuventudes Socialistas de Galicia e na Asociación de Veciños, Cultural e Deportiva de San Xoán de Tirimol.

Gústame a política, porque me gusta atender e axudar aos cidadáns, intentando resolver os problemas que lles afectan. E entendo a política como un servizo público para dar resposta aos problemas da cidadanía e mellorar a súa calidade de vida. A comezos do 2008 afilieime a Xuventudes Socialistas porque comparto unha ideoloxía de esquerdas e quería participar nesta organización política xuvenil, que é acorde cos meus ideais de xustiza, liberdade e solidariedade.

Defínete con tres adxectivos: responsable, honesto e positivo

Un defecto: son demasiado perfeccionista

Un libro: non podería quedarme só cun libro

Unha película: prefiro un bo libro

Unha cita: O mundo está nas mans de aqueles que teñen o coraxe de soñar e de correr o risco de vivir os seus soños (Pablo Coelho).

Un recordo: teño moitos, por exemplo cando xogaba cos meus amigos no colexio

Un desexo: a paz e o remate da fame no mundo

Un color: vermello

Un número: o 3

Unha data: o comezo do cambio político en Galicia

Un personaxe histórico: Carlos Marx

Unha persoa a quen admiras: a miña avoa

Un político a quen admiras: José López Orozco

Algo que sempre levas posto: un reloxo

O que máis te cabrea: a mentira e a hipocresía

Que cambiarías: a situación de pobreza na que se atopan moitas persoas

Por un ensino sen ataduras. Súmate

2009-09-22T23:12:00.002+02:00

As Xuventudes Socialistas de Galicia iniciamos unha campaña nos centros educativos para informar aos xóvenes dos ataques da Consellería de Educación ao ensino público. A campaña, baixo o lema “Por un ensino sen Ataduras. Súmate”, ten por obxecto informar aos xóvenes das políticas de educación da Xunta e animalos a que reivindiquen os seus dereitos.

A compañeira María Torres, Secretaria Xeral das XSG, e o compañeiro Pablo Otero, Secretario de Educación das XSG, presentaron nunha rolda de prensa esta iniciativa que comezará a desenvolverse nos centros de ensino de Galicia mediante a distribución de dípticos e carteis e da información directa aos estudantes da situación que está a sufrir o ensino público dende o cambio de goberno na Xunta.

As XSG consideramos que é necesario informar aos xóvenes e lograr a súa implicación, polo que facemos un chamamento á mocidade para que non quede calada e proteste e reivindiquen os seus dereitos.

Para sumarte e asinar o Manifesto Por un ensino sen ataduras, hai que accerder á web creada para tal finalidade.

O Plan E

2009-09-14T14:31:00.003+02:00

O Plan Español para el Estímulo de la Economía y el Empleo ou Plan E, no que se refire ao fomento do emprego, introduce medidas directas de impulso á creación de emprego, entre as que cómpre salientar o Fondo para Entidades Locais. No caso concreto do concello de Lugo, as obras financiadas polo FEIL supuxeron un investimento no municipio de máis de 16 millóns de euros, que posibilitaron levar a cabo 79 obras. Unhas obras que están a cumprir os obxectivos fixados: facer obras, contratar dotacións e crear emprego.

Trátase dunhas actuacións que permitiron a creación de 974 postos de traballo. As obras do Plan E promovidas polo concello de Lugo foron repartidas entre as parroquias rurais e os barrios da cidade, para que todos os veciños puidesen verse beneficiados. Neste sentido, na zona rural estanse a realizar actuacións en 42 pistas que permitirán que 54 parroquias teñan aglomerado en quente, o que vén a significar progreso, modernización e facer que os veciños do rural vivamos nas mellores condicións.

Deste xeito, por primeira vez o concello de Lugo emprega o aglomerado en quente para mellorar o firme de pistas principais, ou failles bases para suxeitar os contedores nas parroquias rurais. O que é resultado do compromiso do goberno local de mellorar o rural. Un traballo que é valorado moi positivamente polos veciños que vivimos nas parroquias, que estamos preocupados porque a zona rural mellore e que queremos que se siga por este camiño.

Fonte: Carta ao Director de Diego Pena Luaces, publicada no xornal El Progreso, 13 de setembro do 2009, páx. 32.

"Las hijas del César"

2009-09-08T20:37:00.000+02:00

Teño a sorte de coñecer a Pablo Núñez González, autor de "Las hijas del César", unha novela histórica cunha intensa viaxe pola Galicia dos césares cos ingredientes da mellor novela de aventuras. Baseada en lendas romanas e celtas, raíces da nosa cultura. E esta novela, que Pablo me asinou cunha dedicatoria, recoméndovos a súa lectura pola súa sorprendente capacidade de recreación histórica que conxuga con intriga, paixón e aventuras.

Quero felicitar a Pablo por escribir esta interesante novela. E como lucense estou seguro que vos gustará, porque nos leva a un mundo máxico, ao mundo que os lucenses vivimos dende hai máis de dous mil anos. Porque o escenario e protagonista deste relato é LVCVS AVGVSTI (Lugo), que foi fundada polo legado romano Paulo Fabio Máximo; e a súa Muralla, declarada Patrimonio da Humanidade pola UNESCO o 30 de novembro do ano 2000.

Non quero contarvos máis do desenvolvemento desta novela, para non adiantarvos o que nos relata aos que aínda non a lerades. E deséxovos unha boa lectura e que disfrutedes coa mesma. Pero para que vexades o interesante que é, póñovos a continuación o seu resumo:

Las hijas del César llegan a Lucus Augusti, la actual Lugo, para llevar a cabo una peligrosa misión. Allí encontrarán dos pueblos galaicos enfrentados, a sus aliados de las Siete Aldeas y a los maléficos sureños de Gualmar. La muerte del aspirante al trono celta complicará la situación, pero el Consejo de Sabios recibirá una noticia que provocará un giro inesperado en los acontecimientos. En el extremo del mundo, donde dos civilizaciones se dan la mano, el peligro y la pasión acechan a las hijas del hombre más poderoso del Imperio.

Xa son un politólogo

2009-08-31T19:38:00.004+02:00

Este venres entregáronme o certificado que acredita que son Licenciado en Ciencias Políticas e da Administración pola Universidade de Santiago de Compostela. Polo que xa podo dicir que son un politólogo. Despois de pasar estes cinco anos de formación na Facultade de Ciencias Políticas e Sociais, fago un balance positivo do que me aportan no persoal e no profesional. Foron moitos os momentos vividos, uns máis agradables e outros menos, algúns dos cales fun compartindo con vos neste blog. Pero, como son positivo, eu quero quedarme con todos aqueles momentos que me aportaron máis na miña vida.

Durante esta etapa non só dediquei o tempo a estudar, senón que tamén tiven a oportunidade de realizar outras actividades que me resultaron moi enriquecedoras, entre elas teño que destacar a de ser Coordinador de IESGA na facultade, facer as prácticas na Axencia de Emprego e Desenvolvemento Local do Concello de Lugo, ser bolseiro SPIU (bolseiro de sostibilidade, participación e integración universitaria), ser alumno-titor de estudantes de 1º curso, ou ser representante dos estudantes na Xunta de Facultade.

Tamén teño que facer mención a moitas persoas que coñecín e das que aprendín moito, tanto na facultade e noutras facultades, como na Residencia Universitaria Monte da Condesa, ou noutras dependencias da Universidade. Sen lugar a dúbidas foron moitas as persoas que contribuíron a facer realidade a miña formación. A todas estas persoas que apareceron no meu camiño e das que aprendín tanto, nunca lles poderei agradecer o suficiente por todos estes momentos que pasamos xuntos.

Agora tócame servir como politólogo á sociedade. Unha sociedade que está vivindo un forte proceso de terciarización; é dicir, de ampliación das demandas de emprego no sector servizos como o turismo, o lecer, o deporte e a atención a colectivos con dificultades. E aquí é onde está un dos maiores xacementos de traballo para os politólogos. Tarefas como a xestión da Sociedade da información, a perspectiva de xénero, proxectos europeos, desenvolvemento e medio ambiente, variación no modelo de lecer como o turismo deportivo, saúde, turismo rural, urbano, industrial e as necesidades de empresas e institucións de xestión cultural ou consultoría son agora empregos altamente demandados.

Os politólogos temos instrumentos para analizar, predicir e modificar. Temos moito que dicir en planificación, organización, xestión e novas tecnoloxías da información. Estamos na sociedade da información, na que o procesamento desa información é fundamental para as empresas e as Administracións involucradas no e-government. As empresas e as Administracións teñen que tomar decisións en función da información que teñen, e os politólogos estamos en moi boas condicións para manexar esa información, prever situacións futuras e situarse ante elas para tomarlles vantaxe.

Voces de Lugo

2009-08-25T13:42:00.001+02:00

O programa Voces de Lugo, que se pode escoitar en Radio Voz de luns a venres das 8 ás 11 da mañá a través da emisora de Lugo no 105,6 FM, é presentado por Raquel González e Bea Franco. Un programa no que podemos atopar os temas, os debates, as entrevistas e os contidos que farán máis amena e interesante cada mañá.

Dende o meu blog quero felicitar as persoas que fan posible este programa, porque me parece moi entretido e con moi bos contidos. Tamén quero agradecerlles que me conviden a asistir ao programa para comentar sobre distintos temas de actualidade, como os relacionados coa participación veciñal, a actualidade política ou o endurecemento da Lei contra o tabaco, entre outros. Alégrame poder participar nuns momentos de tertulia e coñecer as distintas opinións e compartilas cos ouvintes.

Cada día, de luns a venres, este programa axúdanos a sentir máis cerca o que nos rodea. Conta coas voces que comparten connosco intereses, preocupacións, opinións. Pero tamén coas que, ata desde a discrepancia, axúdannos a entender o que nos rodea. En Voces de Lugo, cada día fan posible entreternos con temas vivos, facéndonos sentir a actualidade con personaxes que nos achegan os ingredientes que debuxan o perfil de cada xornada.

Por iso, cada día propóñennos un variado menú de Voces de Lugo para facer a mellor descrición do que rodea a nosa vida. Só temos que acender a radio e unirnos a Radio Voz, algo que vos recomendo que fagades, para estar máis preto do que nos rodea.

O exercicio da responsabilidade

2009-08-19T17:12:00.002+02:00

Despois de ler o último comentario que publicou no seu blog o Alcalde de Lugo, podo dicir que estou totalmente de acordo coa afirmación do seu título. Estou convencido que na Política, non todo vale. Porque na Política, como na vida, non todo vale. A pesar de que desgraciadamente hai xente que pensa o contrario e fai que os cidadáns, cometendo o erro de xeneralizar, teñan unha imaxe negativa da Política.

Dende o meu blog quero manifestar que como en calquera outra profesión, na Política atópaste con Políticos responsables no seu traballo e con políticos que non son responsables no seu traballo. O mesmo que ocorre cos avogados, fontaneiros, xornalistas, músicos, mestres, ou calquera outra profesión na que pensemos.

A Política, en democracia, é un servizo público que ten unhas regras do xogo, a partir das cales os que exercitan esa nobre tarefa teñen distintas formas de buscar e interpretar ese servizo público. E como di o Alcalde de Lugo " pensemos que a democracia é un constante avance e as normas que a rexen nunha sociedade aberta, plural e democrática, son de todos".

Sendo unha realidade que na política nos podemos atopar con xente que debido a unha ambición desmedida ou por querer aferrarse ao poder, son capaces de facer calquera cousa e de non respectar as regras do xogo existentes na Política. Pero tamén nos atopamos con Políticos traballadores e responsables. E na Política, en democracia, non podemos esquecer nunca que os cidadáns son os que deciden avaliando o traballo feito.

Estou seguro que un Político debe actuar dende o exercicio da responsabilidade. Unha responsabilidade que é moi importante, porque estamos a falar de persoas que xestionan recursos de tódolos cidadáns. Polo que tamén é moi importante que os Políticos actúen respectando as regras do xogo. Por iso debemos ter presente sempre que na Política, non todo vale.

O FEIL en Lugo

2009-08-10T22:38:00.004+02:00

O Plan Español para el Estímulo de la Economía y el Empleo consta de catro eixes de actuación: medidas de apoio a empresas e familias; de fomento do emprego; medidas financeiras e orzamentarias; e, por último, medidas de modernización da economía. E o Goberno de Zapatero ten o propósito de pór en marcha e xestionar integramente o conxunto de medidas que contén o Plan E.

No que se refire ao fomento do emprego o Plan E introduce medidas directas de impulso á creación de emprego, entre as que cómpre salientar o Fondo para Entidades Locais e o Fondo Especial para a Dinamización da Economía e o Emprego, tanto polo volume de fondos que se mobilizan, 11.000 millóns de euros, como pola capilaridade das actuacións que se porán en marcha, que xerarán 300.000 empregos distribuídos por toda a xeografía española.

No caso concreto do concello de Lugo as obras financiadas polo FEIL (Fondo Estatal de Investimento Local) supuxeron un investimento no municipio de máis de 16 millóns de euros que posibilitaron levar a cabo 79 obras. Unhas obras que están a cumprir os obxectivos fixados no "Plan Zapatero": facer obras, contratar dotacións e crear emprego.

Trátase dunhas actuacións que permitiron a creación de 974 postos de traballo o que, tal e como salientou o Alcalde de Lugo, “permitiu superar as expectativas que se marcaron". As obras do “Plan Zapatero” promovidas polo Concello de Lugo foron repartidas entre a zona rural e os barrios da cidade para que todos os veciños puidesen verse beneficiados.

Neste sentido, na zona rural estanse a realizar actuacións en 42 pistas que permitirán que 54 parroquias teñan aglomerado en quente, o que vén a significar progreso, modernización e facer que os veciños do rural vivamos nas mellores condicións. O que é resultado do compromiso de mellorar o rural, como xa comentei nun comentario anterior no meu blog.